Овие предмети ги красеа домовите ширум поранешна Југославија, а денес никаде ги нема освен кај жена од Љубљана која носталгијата ја претвори во бизнис.
Шпела, од Љубљана, ја спои својата страст за постари предмети со нејзините маркетиншки и рекламни вештини , создавајќи истоимена онлајн продавница, каде што продава разни и суперпознати предмети од времето на СФРЈ кои го одбележаа детството на повеќето граѓани на сега веќе одамна независни држави.
На пример, познатата таписерија Бамби која ја красеше секоја детска соба, рамните фиксни телефони на Искра во разни бои, познатите портокалови лустери од Мебел и таблата за вратата од тоалетот што ја имаше секоја куќа во СФРЈ…
Еден од најбараните предмети се очигледно познатите бели чаши со темносини риги, кои ги користеле сите хотели, мотели, бифе, таверни, па дури и коли за јадење во возовите на Југословенските железници (ЈЖ) во тоа време.
Цените за, како што се наведува, „винтиџ“ симболи на поранешната држава воопшто не се симболични, па сет стаклени чаши чини повеќе од 100 евра, а познатата таписерија Бамби чини дури 60!
Пензионерката од Љубљана очигледно е голем обожавател и приврзаник на јужното наследство или само многу паметен претприемач, со оглед на тоа што јужната носталгија ја претвори во одличен бизнис.