На денешниот состанок, Комисијата за заразни болести даде препрака да почнат да работат градинките во земјава. За Фктор откриваат дека дозволата се однесува и за државните и за приватните установи кои згружуваат деца од претшколска возраст.
-Сметаме дека градинките ги исполнуваат условите во кои ќе бидат згрижувани децата. Само 4 до 5 вакви установи во целата земја не ги исполнуваат бараните критериуми, но не може за сметка на само неколку да ги држиме сите градинки затворени. Време е и најмалите да се вратат во установите, а и родителите да почнат редовно на работа. Основно е да се прави поголема контрола, децата да бидат на некој начин редуцирани во групите, во однос на ова, приватните градинки практично целосно ги исполнуваат критериумите, вели д-р. Александар Стојанов, член на Комисијата за заразни болести и директор на Центарот за јавно здравје.
Истовремено, за Асоцијацијата на приватните градинки „ Полет“, ова е супер вест и велат дека со нетрпение ќе ја чекаат и одлуката на Владата да ја прифати препорката на Комисијата за заразни болести за отворање на вратите за најмалите.
-Ова е навистина супер вест. За ова се боревме сите овие месеци, но за жал епидемиолошката состојба не дозволуваше да работиме. Целосно се сложуваме со препораката на Комисијата дека треба да работат оние градинки кои ги исполнуваат условите за реализирање на протоколите и мерките за заштита од вирусот. Ние како Асоцијација на приватни градинки целосно ќе се придржуваме до нив за да биде безбедно по здравјето и на децата и на вработените. Се уште сме подготвени да се формира и комисија која би ги менувала протоколите во зависност од епидемиолошката состојба, бидејќи едни се протоколите за летен период, а други за есенски и зимски период, вели претседателот на „Полет“, Андреј Поповски.