Данските родители често им дозволуваат на своите деца да дремат во колички надвор без посебен надзор.
На туристите кои ќе го видат ова, оваа практика може да им биде вознемирувачка. Дали родителите во оваа скандинавска земја се неодговорни?
Неодамна, на социјалните мрежи почнаа да кружат објави со серија видеа на кои се прикажани паркирани на различни места: на улиците, во парковите, пред продавниците, колички со заспани деца, очигледно без родителски надзор. Ова не треба да изненадува бидејќи во Данска е вообичаена практика децата да дремат надвор, обично во колички.
Некои луѓе изразија шокираност и неверување, а некои тоа го нарекоа лошо родителство.
Ова е толку интересно! Замислете да го оставите вашето бебе надвор да дреме додека вие одите на вашите вообичаени домашни работи. Ова не е првпат данските деца без надзор кои спијат на отворено да привлечат меѓународно внимание.
Уште во 2013 година, весникот Jillands-Posten објави дека „BBC ги изненади скандинавските бебиња спијат надвор“ коментирајќи ја статијата на британската телевизија со наслов „Бебињата дремат на температури под нулата“.
„Скандинавскиот обичај да се остават бебињата да спијат надвор предизвикува врева“, пишува весникот.
Истражувањето, цитирано во британските и данските написи, сугерира дека може да има придобивки од дозволувањето на децата да спијат на отворено. Ова го докажува студијата на Универзитетот во Оулу во Финска врз основа на анкета на родители.
„Децата очигледно спиеле подолго надвор отколку внатре“.
Водечкиот истражувач Марјо Турула изјави за Би-Би-Си. Според студијата, спиењето во затворен простор траело еден до два часа, додека спиењето на отворено трае 1,5 до три часа.
„Се претпоставува дека ограничувањето на движењето со облеката може да ја зголеми должината на спиењето, а студената средина го спречува прегревањето на завитканото дете“, објасни Турула.
Во Данска, стандардната облека за децата кои спијат надвор во зима е волнена комбинезон, со обична облека или пижами одоздола. Децата носат и ракавици, шал и капа. Детето обично се уште е покриено со капакот за количка, доколку е потребно и капакот за дожд. Се разбира, бројот на слоеви зависи од сезоната.
Додека глетката на колички кои стојат на улиците е можеби најзачудувачкиот дел од оваа практика за странците. Вообичаено, родителите избираат тераси или нивните градини за да дремат нивните бебиња. Сепак, мало дете кое спие во количка пред кафуле или слично јавно место не е реткост. Обично родителот го има на повидок или користи „бејби монитор“.
Тоа што родителите сè уште се чувствуваат удобно да ги остават своите деца да спијат на улица, можеби им изгледа неверојатно на оние кои првпат се сведоци на оваа практика.