Ако на амбалажата на рибата видите кристали од мраз, не ја купувајте.
Без разлика дали следите диета базирана на риба или едноставно уживате во оваа храна од време на време, рибата е одличен начин да ја збогатите вашата исхрана со протеини кои ве одржуваат сити и омега-3 масни киселини кои се добри за срцето. Иако сметаме дека повеќето се здрави, имајте на ум дека не сите морски плодови се подеднакво добри кога станува збор за здравјето.
Всушност, постои еден сигурен знак кој ве предупредува кога не треба да ја јадете оваа храна, а се гледа на пакувањето. Ако видите кристали од мраз на пакувањето на рибата, не ја купувајте.
Кога купувате риба, постои многу јасен показател дека треба да ја фрлите наместо да ја јадете, а тоа се ледени кристали. Иако е логично да се мисли дека ова е добар знак, дека рибата се чува ладна, американската Администрација за храна и лекови (ФДА) вели поинаку. Ледените кристали можат да бидат показател дека рибата поминала долг период во складирање, што значи дека не е многу свежа или дека е одмрзната и последователно замрзната, што потенцијално може да предизвика развој на опасни бактерии.
Но, ледените кристали на пакувањето со риба не се единствениот знак дека „нешто не е во ред“. FDA препорачува да ги отфрлите сите замрзнати морски плодови на кои пакувањето е искинато или отворено, како и секое пакување со „скршени“ рабови. Освен тоа, можете да ја помирисате храната ако е свежа, како и ако месото е „флексибилно“ и недоволно цврсто – тоа е исто така знак дека треба да го фрлите.
FDA забележува дека секој рибен производ означен како „претходно замрзнат“ најверојатно претрпел температурни промени, што секако ќе се забележи на самата храна. Особено, претходно замрзнатата риба може да има промени во бојата на жабрите, текстурата, крвните садови, па дури и изгледот на очите.