Шестата сезона на реалното шоу „Задруга“ започнува во петок на 9 септември во 21 часот.
Ниту оваа сезона нема да помине без веќе познати реалити играчи, кои имавме можност да ги гледаме во претходните сезони. Се враќаат поради високите хонорари кои ги договориле со Телевизија Пинк.
Како што засега стојат работите, најплатена ќе биде Ива Гргуриќ. Како што изјавила за медиумите, побарала хонорар од дури 200.000 евра. Како победничка на „Задруга 3“ смета дека заслужува да биде исклучително добро платена.
– Побарав голема сума за овој влез, не смеам да зборувам за тоа, но тоа е голема сума. Во игра се речиси 200.000 евра. Секако дека имам услови кои не ги барав во претходната сезона – изјави Ива по преговорите.
По неа е Мики Ѓуричиќ, кој за 10-месечен престој во Белата куќа ќе заработи 150.000 евра.
Добар договор ќе добие и Станија Добројевиќ, хонорарот и е 100.000 евра. Таа подоцна ќе се приклучи на задругите.
– Точно е дека влегувам во „Задруга 6“! Најверојатно тоа ќе биде околу Нова година – го потврди своето влегување во медиумите Станија.
Кристијан Голубовиќ за оваа сезона ќе добие 70.000 евра, но имал и услов да си замине на неколку дена кога ќе се породи неговата вереница Кристина Спалевиќ.
На преговорите бил и Иван Маринковиќ, кој според последните информации и тој подоцна ќе се всели во реалното шоу, за 2.000 евра неделно.
Миљана Кулиќ планира да влезе веднаш штом ќе и дозволи здравствената состојба, за 3.000 евра неделно, а мајка и ја придружува за 500 евра помалку.
Се очекува ’рбетот на оваа сезона да биде Маја Маринковиќ, поради што и е одобрен хонорар од 4.000 евра неделно, додека нејзиниот татко Таки Маринковиќ ќе добие 1.500 евра.
Караѓорѓе ќе добива по 1.000 евра неделно, но има тенденција да се зголеми хонорарот доколку влезе во жестоки расправии со Маринковиќ, со кои не е во добри односи откако Маја го киднапираше невенчаниот сопруг на неговата ќерка.
Иако е составен дел од сите сезони, Лепи Миќа сепак е скромен кога е хонорарот во прашање. Неделно ќе добива по 1.200 евра.
– На митингот сум за многу малку пари. Прашајте ги лажните милионери колку пари зеле. Нивните лаги ми предизвикуваат главоболка. Јас сум интелигентен човек и повеќе би сакал да имам скромна, добра плата, која те чека кога ќе излезеш од реалното шоу, отколку да бараш милиони и да заминеш без жолта банка. Задоволен сум. Тие десет плати на камера, нека биде плус и некоја награда, добив автомобил, јавна промоција, па сето тоа вреди – изјави Миќа.
Останатите повратници, како Матора, Филип Цар и Никола Грујиќ Груја, дебело платија за своето учество, додека задругарниците кои првпат се појавуваат во „Задруга“ и не се познати на јавноста, ќе мора да се задоволат со неделен надомест од 300 до 500 евра.