За 2.5 до 5 денари поскапуваат лебот и другите производи од брашно Ширум Државава. Ваквата одлука пекарите ја донеле во договор со добавувачите и во согласност со поскапувањето на суровините
„Главните причини за поскапувањето на лебот се затоа што има промени на пазарот на пченица, па брашното како основна суровина поскапе и соодветно ги зголемивме цените“.
Во некои поголеми мелници килограм брашно се продава за 10 и повеќе денари, а во бел леб од 500 грама, како што тврдат пекарите, има 400 грама брашно, 150 грама вода, а остатокот е квасец. сол и адитиви.
„Лебот поскапе за 2,5 денари затоа што поскапе брашното, но и пецивата. Печивата поскапеа за 5 денари, поради поскапувањето на брашното и другите материјали, суровини“, вели Марко Стојковиќ, раководител на производство во пекара и додава дека цените ќе застанат на тоа ново ниво.
Во просек, производите од брашно поскапеа од петнаесет до дваесет проценти.
Од Сојузот на пекари сметаат дека ова поскапување е оправдано.
„Ова е борба за опстанок на индустриските пекари кои произведуваат најевтин леб. Се трудиме и ќе направиме се да преживеат, бидејќи нема да имаме поевтин леб. Во случај на поскапување на струјата, како што е најавено, се плашам дека лебот може да биде и до 40 денари“, вели Братислав Вукадиновиќ од Сојузот на пекари.
И колачите поскапеа линеарно за 2,5 до 10 денари. Бурекот сега чини 70 денари, 10 повеќе од пред неколку дена.