Во ноќта на полна месечина, подгответе ја месечевата вода и испробајте ритуал за привлекување пари, здравје и убавина.
Периодот на полна месечина се карактеризира со создавање на поголеми резервоари на енергија – и позитивни и, за жал, негативни.
Затоа ова е совршено време да се посветите на чистење на просторот, но и телото и умот, за да се ослободите од можните пречки за раст и напредок. Најдобрата мотивациска реченица за оваа работа е „да си оди се што не ми припаѓа“. Фокусирајте се на враќање на здравјето и убавината, како и благодарност за сè што веќе имате. Формулирајте желби за она што навистина ви треба.
Ритуалот со водата на Месечината се изведува многу едноставно. Истурете околу половина литар вода во чиста тегла, филтрирана или зовриена, а потоа изладена, затворете ја теглата и оставете ја преку ноќ на прозорец или тераса за да биде изложена на месечината. Наутро водата е спремна за употреба, а начинот на користење изберете го сами. Доколку сакате да го користите за нега на убавина, истурете го во шише со спреј и во текот на денот повремено намачкајте го лицето и рацете со него.
Доколку сакате да ја насочите својата енергија на здравјето и виталноста, истурете ја оваа вода во шише и голткајте ја, одвреме-навреме, во текот на денот, а во исто време интензивно размислувајте за вашите здрави животни навики. Нека биде поттик за можна диета, доколку ви треба редовно вежбање, откажување од пушење и слично.
Ако сакате да привлечете пари, искористете ја водата на Месечината за чистење и полнење на кристали кои носат материјални добра и просперитет, како што е цитринот. Овој камен можете да го носите во паричникот или да го ставите во левиот агол од куќата до влезната врата – потоа парите влегуваат во домот и остануваат во него, велат експертите за кристална терапија.