Додадете црвена леќа околу петнаесет минути пред крајот на готвењето на некое јадење. Таа ќе го згусне подобро од класичната запршка со брашно.
Евтината и здрава состојка ќе го згусне секое јадење, а истовремено ќе му го подобри вкусот и хранливата вредност.
Зошто црвената леќа е добра замена
Нашите мајки и баби порано правеле запршка мешајќи брашно со масло или друга маст, која потоа ја додавале во чорби, пасули или сосови. Денес постојат едноставни и здрави алтернативи за згуснување течни јадења, полни со растителни протеини.
Црвената леќа е најдобра замена за нездравото пржено брашно. Тоа е лесно сварлива мешунка која во 100 грама сушен плод содржи околу 330 калории и приближно 24 грама растителни протеини.
Не е потребно потопување на леќата со часови пред термичка обработка, како што е случајот со наут или пасул. За готвење се потребни само околу 15 минути.
Како да ја користите
-
Исперете ја црвената леќа со студена вода за да ги отстраните нечистотиите.
-
Додадете ја во супа, пасул или сос 15 до 20 минути пред крајот на готвењето.
-
За време на готвењето, леќата ќе ја впие течноста и потоа ќе се распадне, згуснувајќи го јадењето.
-
Ако не ви се допаѓа текстурата со парченца, користете рачен миксер во тенџерето или префрлете го јадењето во блендер и мешајте додека не добиете кремаста и густа смеса.
Колкава количина леќа да се користи
За здрава запршка без брашно, употребете 100 грама суво црвено леќа на 500 мл до 1 л течност (вода или бујон). Количината може да варира според тоа што сè ставате во супата и колку густо сакате да биде јадењето.
Леќата целосно ќе се распадне и нема да се чувствува во јадењето, а секое јадење ќе биде густо, вкусно и здраво.