Можеби имате навика да ги правите овие работи, па токму затоа овие денови ви е потешко да заспиете.
Добриот сон не е само прашање на одење во кревет во соодветно време.
Исто така, важно е да ја организирате вечерта на начин што не е стресен или премногу стимулирачки, бидејќи тоа може да го отежне заспивањето и одржувањето на сонот.
Ова се седум вообичаени навики кои можат да ви го уништат сонот – и што можете да направите наместо тоа, пишува „ Бизнис инсајдер “.
1. Не користете технологија
Сè повеќе истражувања покажуваат дека сината и белата светлина што ја емитуваат дигиталните екрани го спречува мозокот да го ослободи хормонот мелатонин , кој му сигнализира на телото дека е време за спиење. Ова може да го отежне заспивањето и останувањето во сон. Наместо тоа, подобро е да прочитате книга.
2. Не земајте апчиња за спиење (освен ако имате дијагноза на несоница)
Дури и ако имате проблеми со спиењето, тоа не значи дека страдате од несоница, а апчињата за спиење веројатно нема да ви помогнат многу. Тие обично доаѓаат со низа несакани ефекти, од болки во мускулите до губење на меморијата. Дополнително, тие можат да предизвикаат зависност, а проблемите со спиењето може да се влошат по прекинот на нивната употреба.
3. Не консумирајте алкохол.
Сите знаеме дека алкохолот може да ви помогне полесно да заспиете, но истражувањата покажуваат дека може да го отежни останувањето во сон.
Како што телото почнува да го метаболизира алкохолот во втората половина од ноќта, може да се појави немирен сон.
Истражувањата покажаа дека пиењето алкохол пред спиење ја потиснува РЕМ фазата на спиење, која е клучна за меморијата и концентрацијата.
4. Не работете во кревет (или во спална соба)
Експертите советуваат спалната соба да ја користите исклучиво за спиење и интимни врски . Во спротивно, вашиот мозок нема да ја поврзе спалната соба со одмор, што може да го отежне заспивањето.
5. Не консумирајте кофеин после 17 часот.
Една студија покажа дека консумирањето 400 милиграми кофеин дури и шест часа пред спиење може да го наруши сонот.
Испитаниците кои земале апчиња за кофеин шест часа пред спиење спиеле околу еден час помалку отколку кога не консумирале кофеин.
Затоа истражувачите препорачуваат последниот внес на кофеин да биде најдоцна до 17 часот.
6. Не јадете мрсна храна.
Истражувањата покажуваат дека консумирањето храна еден час пред спиење може негативно да влијае на квалитетот и должината на спиењето, особено кај жените.
Масната храна е особено проблематична, бидејќи го намалува времето поминато во РЕМ фазата на спиење.
Ако сте гладни доцна навечер, експертите препорачуваат да јадете цели зрна во комбинација со протеини, како леб од цели зрна со природен путер од кикирики.
7. Не вежбајте пред спиење.
Кога имате напорен распоред, може да ви се чини дека единственото време за вежбање е доцна навечер.
Сепак, експертите советуваат да се избегнуваат напорни тренинзи во доцните часови. Причината за тоа е што температурата на телото се зголемува за време на кардио вежбите, што може да го отежне заспивањето.
Наместо тоа, тие предлагаат јога или лесно истегнување, што може да помогне при опуштање пред спиење.