Животните лекции најдобро ги учиш од некој што те сака безмерно и ти посакува само добро — а кој друг би бил тоа ако не мајката.
Дипломиран новинар кој со својата работа на порталот „Stil Kurir“ се обидува да им доближи на читателите актуелности, трендови, совети за исхрана, родителство и мода. Со посебна страст споделува и животни приказни на легендарни личности и инспиративни поединци.
Мајчинството, ќе се согласат сите, е една од најтешките „професии“ — и додека насекаде има простор за грешка, тука го нема.
Постојат лекции што мајките можеби ги научиле на потежок начин, но мора да им ги пренесат на своите ќерки, за тие да не ги учат преку сопствените грешки, туку преку мајчиното искуство.
Овие животни лекции не се за тоа како да бидеш сакана, туку како да останеш своја.
1. Твојот ум е твојот најпривлечен адут
Физичкиот изглед ги привлекува луѓето, но менталната стабилност, знаењето и внатрешниот мир се она што те прави силна и трајно го освојува твоето опкружување.
Учи, читај, биди љубопитна. Научи да ги препознаваш своите импулсивни мисли, да не им веруваш на сите и да ги менуваш кога стануваат токсични.
Светот се менува, но мирната глава и отворениот ум се вечни.
2. „Не“ не е грда збор
Поставувањето граници е форма на самопочит. Не мораш на сите да им се допаѓаш, ниту да објаснуваш зошто нешто не сакаш.
Ако некому му пречи твоето „не“, тоа зборува за нив — не за тебе.
Најголемиот товар што ќе го симнеш од себе е оној што го носиш обидувајќи се да им угодиш на сите.
3. Пронајди ја својата дефиниција на забава
Забавата за млада жена не мора да значи само клубови и алкохол. Може да биде уживање во тишина, читање добра книга, прошетка, танц, цртање или готвење.
Научи да уживаш во работи што ја хранат твојата душа, а не егото на другите.
Вистинска забава е кога си присутна, а не кога бегаш од себе.
4. Внимавај што гледаш, читаш и впиваш
Она со што го исполнуваш денот го храни твојот ум. Ако постојано впиваш драма, и твојот живот ќе стане драма. Ако се опкружиш со мудрост, уметност, мир и хумор — тоа ќе стане твој внатрешен пејзаж.
Нахрани ги мислите со она што сакаш да станеш.
5. Златните години за учење се од 15 до 30
Од петнаесеттата до триесеттата година ќе научиш најмногу за себе — преку грешки, загуби, љубови и разочарувања.
Не брзај да станеш „средена“, „успешна“ или „совршена“.
Тоа е време за падови, за пребарување и за учење како да стоиш сама. Тоа е процес, не натпревар.
6. Исцели се пред да станеш мајка
Твоите деца не треба да го носат товарот на твоите стари рани.
Затоа соочи се со своите стравови, разреши го своето детство и научи да сакаш без проекции.
Мајчинството не е крај на твојот развој, туку негово продолжение.
Најголемиот дар што можеш да му го дадеш на своето дете е твојата емоционална зрелост.
На крај, секоја ќерка, порано или подоцна, станува жена која сама избира — како ќе мисли, дише, реагира и љуби.