Особено се интересни зборовите на професорот Владета Јеротиќ за вториот брак, како и за разводот, кој бил табу тема во времето кога тој растел.
Владета Јеротиќ, еден од најголемите српски интелектуалци и умови на нашето време, ни остави богато наследство од поучни мисли и корисни совети, кои и денес често се цитираат. Неговите инспиративни зборови со право се сметаат за рецепти за подобар живот. Академикот често зборуваше за најважниот избор што секој човек го прави – изборот на брачен партнер.
Познатиот психотерапевт, невропсихијатар, филозоф, писател и професор е роден на 2 август 1924 година во Белград. Неговите размислувања допираат до најважните животни теми, меѓу кои и изборот на партнер – сложена одлука во која луѓето често грешат.
Особено се интересни неговите ставови за вториот брак и разводот, тема за која зборувал на предавање во Домот на културата во Чачак во 2012 година.
„Роден сум во Белград. Пред Втората светска војна беше скандал во граѓанските семејства кога ќе се разведе брак. Луѓето зборуваа за тоа, зошто се разделиле… Беа љубопитни. Но, не мешајте љубопитност со здравата детска радозналост. Тоа не е исто. Не правете од здраво дете малограѓанин. Детето е радознало, а не љубопитно во таа смисла.“
Денес разводите, за жал, се почеста појава отколку порано. На тоа, без сомнение, влијае и лошиот избор на партнер, што често го сфаќаме предоцна – кога веќе не може да се поправи односот. Нормално е да се влезе во нова врска или нов брак, но прашањето е дали ќе биде поуспешен. Проблемот настанува ако ништо не научиме од претходните искуства.
„Вториот брак е полош од првиот. Речиси по правило. Третиот уште полош. А како вториот брак да биде подобар? Тоа се нарекува индивидуација – кога човекот учи нешто од првиот, неуспешен брак“, вели Јеротиќ.
Тој раскажал и пример:
„Имав пациентка, околу 40 години, со три разводи. Ми рече: ‘Докторе, мислам дека нешто не е во ред со мене’. Ја прашав какви биле сопрузите. Првиот – алкохоличар, вториот – коцкар, третиот – женкар. Како некоја шема. Лоши избори што се повторуваат, а од нив ништо не се учи.“