„САКАШ ДА ЈА ПРЕКИНАМ КАРИЕРАТА ПА ДА ЈАДЕМЕ ПАШТЕТА НАМЕСТО ЛОСОС“: Харис бил очаен, за љубомората на Мелина зборуваше отворено
Пејачот Харис Џиновиќ се разведе од Мелина Џиновиќ кон крајот на 2024 година. Нивната врска траела вкупно 22 години, а во брак биле десет. По разводот, Мелина се преселила во Монако и неодамна се омажила за британскиот претприемач Џефри Пол Арнолд. Харис своевремено зборувал за нивниот брак и за љубомората што постоела во нивниот однос.
Тој открил што најмногу ѝ пречело на Мелина додека биле во брак.
– Јас сум јавна личност, па затоа мора да ме сакаат и мажи и жени. Популарноста подразбира и такви работи – луѓето сакаат да се сликаат со тебе, да те прегрнат, да побараат автограм, да те допрат, да разговараат со тебе… Тоа на почетокот ѝ пречеше, но подоцна сфати каква е мојата професија. Ѝ реков: „Сакаш ли да ја прекинам кариерата па да бидам ‘трафикант’, да јадеме паштета наместо лосос?“ – изјавил Харис.
Мелина јавно зборувала за љубомората
Мелина своевремено признала дека ѝ требало време да ја надмине силната љубомора од почетокот на бракот.
– Јас сум двојна Шкорпија и бев патолошки љубоморна, но кога лудата заљубеност преминува во стабилна љубов, се појавува совршен мир. Веројатно има жени на кои стабилноста им е здодевна, но мене вака ми е одлично.
„Среќа што сопругот ми беше успешен“
Кога се запознале, Мелина имала само 23 години и смета дека ништо не пропуштила во животот.
– Напротив, само добив. Периодот од дваесеттите до триесеттите години, кога многумина се губат, кај мене помина во создавање семејство и одгледување деца. Среќа што сопругот веќе беше успешен, па не морав да поминувам низ неговото издигнување. Во бракот со Харис патував, излегував, семејството беше со мене, децата растеа, сопругот ме сакаше и ме почитуваше – навистина не гледам нешто што не ми одело во прилог – изјавила таа.
Се омажи во Монако
Мелина Џиновиќ пред неколку дена организирала гламурозна свадбена прослава во Италија, откако се венчала во Монако со британскиот бизнисмен Џефри Пол Арнолд. Според информации, парот првата брачна ноќ ја поминал на јахта.
Тие пристигнале во Портофино со луксузна јахта вредна 10 милиони евра, а токму на пловилото ја поминале и првата брачна ноќ.
За време на венчавката, Мелина променила четири венчаници.
Прославата била организирана во ексклузивен бутик-хотел, кој важи за едно од најелитните места на италијанската ривиера, сместен на познатата централна плоштадка во Портофино, со околу 14 луксузни соби и апартмани.