Во следните три недели, базата на „Визер“ во Скопје ќе се збогати со уште еден авион, кој ќе биде шестиот во редот на домашната флота. Компанијата истовремено ја модернизира својата флота, воведувајќи авиони со најнова технологија и поголем број седишта, соопшти генералниот директор на „Визер“, Јозеф Варади, во ексклузивно интервју за МИА.
Тој нагласува дека, и покрај предизвиците со кои се соочуваат сите авиокомпании, „Визер“ останува посветен на проширување на мрежата, зголемување на бројот на летови на постојните дестинации, и задржување на ниските цени на услугите, за да бидат подостапни за граѓаните.
Варади објаснува дека флотата од авиони со 180 седишта ќе стане флота од авиони со 239 седишта, што ќе овозможи Скопје да ја користи најсовремената технологија достапна на компанијата. Авионот „А321 нео“, кој го користи „Визер“, според него е најдобриот авион во светот и најбараниот од страна на авиокомпаниите.
„Со новите авиони не само што ги подобруваме перформансите, туку го носиме најбараниот авион во светот во Скопје“, истакнува Варади, нагласувајќи дека обновувањето на флота е дел од стратегијата за зголемување на капацитетот и подобрување на искуството за патниците.
Со овие промени, „Визер“ продолжува да ја зајакнува својата присутност на македонскиот пазар, нудејќи поголема удобност и побрзи летови за патниците.