Во вака подготвената течност потопете ги кујнските крпи и ракавиците за рерна.
Доколку и вие се мачите со тврдокорни мрсни дамки на кујнските крпи и ракавиците за рерна, постои едноставен трик што многумина го користат со години и дава изненадувачки добри резултати.
Наместо повторно да ги перете на високи температури или да ги фрлате кога ќе го изгубат првобитниот изглед, доволно е да им посветите малку внимание и да оставите природните состојки да ја завршат работата преку ноќ.
Сè што ви е потребно за кујнските крпи повторно да заблескаат најверојатно веќе го имате дома. Во поголем сад сипете топла, но не врела вода. Додајте неколку лажици сода бикарбона, позната по тоа што разградува маснотии и ги отстранува непријатните мириси. Потоа додајте малку алкохолен или бел оцет. Кога состојките ќе се соединат ќе се појави блага реакција и пена, што е сосема нормално.
Во оваа течност потопете ги кујнските крпи и ракавиците за рерна. Важно е да бидат целосно покриени со вода за средството рамномерно да делува. Оставете ги да отстојат преку ноќ. Во текот на тие часови содата и оцетот ќе навлезат во влакната на ткаенината и ќе помогнат мрсните дамки полесно да се отстранат.
Наутро извадете ги крпите и ракавиците од садот, лесно исплакнете ги под млаз вода и потоа исперете ги во машина на вообичаена програма.
Во повеќето случаи ќе забележите дека дамките се значително посветли или целосно исчезнати, дури и ако биле стари и упорни. Ткаенината ќе изгледа посвежо, а непријатните мириси ќе бидат отстранети.
Овој постапок е особено корисен за текстил што често се користи во кујна, бидејќи на него секојдневно се таложат маснотии и остатоци од храна. Со редовно натопување на овој начин ќе го продолжите векот на кујнските крпи и ракавици, без агресивни средства и долго триење. Едноставно решение, малку труд и резултат што ќе го забележите веќе следното утро.