Познатиот влогер ги обиколи сите земји во светот и тврди дека токму во овие пет се чувствувал најнебезбедно.
Дру Бински (34), последната деценија ја поминал патувајќи низ секоја земја, а своите патнички содржини ги споделува на YouTube, каде што има 5,7 милиони следбеници и повеќе од една милијарда прегледи.
Во едно видео со наслов „Пет места каде што сум се чувствувал најнесигурно како патник“, американскиот влогер открива дека Могадиш, главниот град на Сомалија, бил најлошото место што го посетил, пренесува Daily Mail.
Сомалија – „Нема правила, нема закони“
Дру раскажува дека токму таму се чувствувал најмалку безбедно. Во градот, според него, „нема правила, нема закони“.
Додава дека таму дејствува огранокот на Ал Каеда, Ал-Шабаб, што го прави „многу, многу застрашувачко“ место за патување.
„Секој пат кога ќе излезете од хотел, мора да имате конвој пред и зад себе, со по четири војници во панцири кои седат на задниот дел од камионите, со огромни калашникови во рацете, извидувајќи го теренот пред да тргнете“, вели тој.
Гвинеја – „Целосен хаос“
Второ на неговата листа е Конакри, главниот град на Гвинеја, кој го опишува како своето „најмалку омилено место во Западна Африка“.
Се присетува дека пешачел низ престолнината помалку од десет минути пред да биде сопрен од двајца полицајци. Исто така, таму сведочел и државен удар.
„Градот беше целосен хаос, немаше што да се прави и беше многу, многу непријателски настроен“, вели Бински.
Авганистан – „Напната атмосфера“
Следна е Кандахар, родниот град на талибанците во Авганистан.
„Тоа е многу небезбедно место“, објаснува тој, потсетувајќи се на „огромните комплекси оградени со бодликава жица“.
Иако видел „интересни и традиционални пазари“, додава дека таму постои „слој на тензија“ и постојана потреба да „гледате преку рамото додека одите“.
Хаити – „Гангстери со пиштоли“
За Порт-о-Пренс, главниот град на Хаити, Бински вели дека е „целосен хаос“.
Раскажува дека со водич влегол во област под контрола на банди, блиску до аеродромот, каде што неколку пати му било кажано да ја тргне камерата.
„Тоа беше апсолутен хаос“, вели тој. „Разбојниците кои ја контролираа областа мораше да ги платам. Гангстери со големи пиштоли во џебовите ме водеа наоколу.“
Либија – „Хотелот се тресеше од бомби“
Последната дестинација на неговата листа е Триполи, Либија, кој го посетил во 2018 година.
„Можам да кажам дека слушнав дека последниве години е побезбедно, но во 2018 заспивав со звуците на бомби во мојата хотелска соба“, вели тој.
Опишува дека рамката на креветот му се „буквално тресела“, додека хотелскиот персонал тоа лесно го отфрлал со зборовите дека „се случува на пет милји подалеку“.
„Беше многу тешко да се шета надвор. Полицијата, која не беше навикната на туристи, не поставуваше прашања“, додава тој.
На крајот заклучува: „Слушнав дека денес е полесно да се патува во Либија и дека е поотворена бидејќи нема граѓанска војна, па се надевам повторно да ја посетам.“