Холивудската ѕвезда Шерон Стоун на своја кожа почувствувала неверојатен сплет на животни околности, па нејзината животна приказна би била идеална за филмско платно. Неколку пати гледала смрт во очи, а денес, кога ќе погледне наназад на сè што поминала, актерката истакнува колку е благодарна што добила можност да продолжи со животот и кариерата.
1. Доживеала тежок мозочен удар
По мозочниот удар имала крварење во мозокот девет дена, а лекарите ѝ давале само 1% шанса да преживее. Стоун во тоа време била меѓу најбараните актерки во Холивуд, но сето тоа исчезнало откако нејзината здравствена состојба се влошила.
„Доживеав тежок мозочен удар. Во 2001 година девет дена траеше крварењето во мозокот. Ударот беше масивен, многу исцрпувачки. Не се опоравив брзо, ми беа потребни години за тоа. Но, кога не можев да се вратам на глумата, бидејќи не можев да го паметам текстот и извесно време не можев нормално да функционирам, ме ставија на крајот од редот“, изјавила Шерон Стоун во емисијата „Who’s Talking“ кај Крисал Волис.
2. Преживеала удар од гром
Холивудската актерка еднаш раскажала детали за еден од најнеобичните настани во нејзиниот живот – моментот кога гром ја удрил во нејзиниот дом.
Иако звучи како сцена од филм, Стоун тврди дека сè се случило во нејзината кујна, додека извршувала сосема обична домашна работа. Како што раскажала во еден подкаст, сплет на околности довел до тоа за дел од секунда да се најде во животна опасност.
Актерката објаснила дека во моментот на несреќата сипала вода во пеглата. Со едната рака ја држела славината, а другата била на пеглата, кога одеднаш дошло до удар од гром.
„Едната рака сè уште ми беше на славината, а другата на пеглата и одеднаш – удри гром, а водата беше проводник. Одлетав низ целата кујна и удрив во фрижидерот“, се присетила Шерон Стоун.
По инцидентот, нејзината мајка веднаш ја однела кај лекар, каде ѝ биле направени дополнителни прегледи. Актерката навела дека резултатите покажале присуство на голема количина електрицитет во телото.
„ЕКГ-то покажуваше голем електрицитет во моето тело. Морав да правам ЕКГ десет дена по ред“, рекла Стоун.
3. Опасна повреда на вратот
Во една прилика тешко се повредила кога се исекла по вратот, но имала среќа што не погодила вена. Сепак, еден од најтешките периоди во нејзиниот живот се случил во 2001 година, кога доживеала мозочна аневризма.
4. Била жртва на брутален напад
Пред околу 10 години доживеала физички напад во кој, како што тврди, била удрена одзади и останала без свест, по што се разбудила на подот без јасно сеќавање како стигнала таму.
„Не знам колку можам да кажам за ова, но ме удрија одзади. Не знаев точно што ми се случило. Бев без свест на подот. Не знам како сум стигнала таму“, изјавила таа во подкастот „The Person Who Believed in Me“.
По инцидентот, Шерон Стоун побарала медицинска помош поради силни болки во пределот на вратот и рамениците, кои продолжиле и подоцна.
„Отидов на клиника бидејќи имав многу проблеми со задниот дел од вратот и рамениците, што многу ме болеше. Сакаа да ми дадат некакви инјекции и ми направија сите рендгенски снимки на градниот кош, вратот и рамениците. Лекарот потоа ми кажа дека градниот кош ми е целосно скршен. Ми рече дека е јасно дека сум била нападната и дека тоа што ми се случило било кривично дело“, навела актерката.
Шерон додала дека не сакала јавно да ги изнесува сите детали ниту да го открие идентитетот на лицето за кое смета дека е одговорно.
„Нема јавно да кажам, но пријавивме и направивме сè што требаше. Имав можност да поднесам пријава, но бидејќи поминаа 10 години и јас сум јавна личност, одлучив дека нема да го направам тоа. Прилично сум сигурна дека знам кој ми го направи тоа“, раскажала таа.