Овој оброк го добива името од зборот пастрма, што означува засолено месо.
Пастрмајлија е типично јадење од македонската кујна, а најлесно би можело да се опише како пица или погача со месо, најчесто овчо или свинско. Името го добива од зборот пастрма, што означува засолено месо.
Традиционално се прави од суво месо, но во ново време добредојдени се разни комбинации. Најчесто се оние со коцки крт свинско месо кое претходно се маринирало во посолена вода и зачини како мелена пиперка.
Често се додава и јајце, мелена црвена пиперка, а понекогаш и лута пиперка. Понекогаш се сервира со кисели краставички. За оние кои избегнуваат месо или едноставно сакаат риба, на тестото се става туна.
Состојки за тесто:
-
1 кг брашно
-
околу 700 мл вода
-
1 свеж квасец
-
1 лажичка шеќер
-
1,5 лажичка сол
За фил:
-
500 г немасно свинско месо
-
путер или свинска маст
-
сол, бибер
Подготовка:
-
Месото исечете го на коцки, ставете го во сад и прелијте со вода да се покрие, па оставете неколку часа или преку ноќ. На 1,5 л вода ставете 70 г сол.
-
Квасецот растопете го во малку топла вода и додадете шеќер, па оставете го да се активира.
-
Замесете тесто од активираниот квасец, брашното и млаката вода, така да биде малку поблаго од тестото за пица. Оставете го на топло да се дуплира, па поделете на топчиња.
-
Лесно развлечете ги топчињата едно по едно со оклагија и издолжете ги краевите за да добиете овална форма. Во средината на тестото ставете коцки од приготвеното месо и парчиња путер или свинска маст.
-
Печете на 180 °C околу 25 минути.
-
Рабовите на испечената пастрмајлија премачкајте ги со растопен путер, па покријте со кујнска крпа и оставете 5–10 минути пред сервирање.
Пријатно!