Д-р Алберт Кормилот доби син на 83-годишна возраст со неговата партнерка Естефанија Паскини, жена 48 години помлада од него.
Познат аргентински нутриционист роден на 31 август 1938 година во Буенос Аирес.
Неговиот живот привлече јавен интерес кон крајот на минатата година, кога Алберт и Естефанија го добија своето прво дете, синот кој го нарекоа Емилио.
Неговата сопруга е свесна дека еден ден ќе го нема, но тоа е нешто со кое е подготвена да се соочи кога ќе дојде време.
„Луѓето не ни кажуваат ништо за што јас и Алберто не знаеме или не сме разговарале“, вели таа.
Кормилот стана татко пред 50 години, а неговата ќерка Рене и синот Адријан ја прифатија одлуката на нивниот татко да основаат ново семејство и се радуваа на братот што го добија и покрај разликата во годините.
Алберт откри дека би сакал да доживее 105 години за да го види својот син да дипломира.
– Нема да бидам како млад човек, тоа е сигурно, но ќе го направам тоа што можам – рече тој и додаде дека на својот син му оставил многу посебен подарок кога ќе порасне.
– Купив мобилен телефон на кој испраќам пораки и фотографии на WhatsApp, а снимам приказни и му кажувам што правам, за да ме сретне и да види кој сум и кога не сум таму – заклучил Алберт.
