Патријарх Павле одамна не е меѓу нас, но неговите зборови и денес се вистински водилка за живот. Неговата мисла потсетува на вредности што се над секојдневните грижи и го отвораат патот кон внатрешен мир.
За суетата
„Суетата е една форма на гордост, најголемиот српски грев. Кога се појавува, води до кавги и нетрпеливост. Таму каде што владее суетата, нема ни вера ни љубов.“
За злото
„Никогаш не смееме да заборавиме дека злото секогаш е краткотрајно и само на прв поглед успешно и блескаво. На зло, лукавство и измама не треба да се гради ништо, а особено не сопствениот живот.“
За моралот
„Морал не е ‘не треба’ или ‘не смее’. Морал е – ‘не сакам’. Вистинската доблест не е во тоа да не грешиме, туку да можеме да згрешиме, а да не посакаме. Љубовта е највисока доблест. Сè што делиме со другите се намалува, освен љубовта – што повеќе ја давате, толку повеќе ја имате.“
За љубовта
„Кога сите би се придржувале до љубовта, светот би бил рај. А дури и ако се водиме барем од правилото: ‘Што сакаш за себе, прави го и на другите; што не го сакаш за себе, не го прави на другите’, светот можеби не би станал рај, но би бил многу поблизу до него.“
За чесноста
„Должни сме и во најтешките моменти да постапуваме човечки. Нема интерес, ни национален ни личен, што може да биде изговор да станеме бездушни. Сè минува, но душата, честта и доброто остануваат засекогаш.“