Исповед на девојка која преку камера дознала што навистина прави нејзиниот партнер
Една девојка, која поминала една недела одвоена од своето момче поради патување со другарките, изразила огромен гнев поради она што го видела на камерата за домашни миленици поставена во нивниот дом.
Оваа анонимна 29-годишна девојка им се обратила на корисниците на Редит, објаснувајќи дека е во врска со својот 35-годишен партнер околу две години, но дека сега, како и многу парови од време на време, почнала сериозно да се сомнева во него.
„Одлично се согласуваме и практично сме како една личност. Имаме заедничко домашно милениче кое знае да прави неред и да уништува мебел додека сме на работа, па за да го следиме, поставивме камера“, открила девојката.
Првите сомнежи и чудно однесување
Таа раскажала дека за време на своето отсуство повремено го проверувала домот преку камерата, што набрзо ја натерало да се посомнева во тоа што навистина прави нејзиното момче.
„Забележав дека мојот дечко неколку пати во текот на неделата велеше дека одмара дома, но на снимките од камерата го немаше“, рекла таа. „Веднаш станав сомнителна, но решив да му верувам.“
Признавајќи дека комуникацијата со него во подоцнежните денови од патувањето речиси целосно исчезнала, девојката додала дека дополнително се загрижила кога неговите пораки станале кратки и незаинтересирани.
Ноќта кога сè ескалирало
„Последната вечер од моето патување, дечко ми рече дека ќе легне рано“, додала таа. „Тоа воопшто не личи на него. Еден час подоцна добив известување од камерата за бучава. Ја отворив апликацијата и видов дека сите светла во домот се вклучени, кучето лае, а од него – ни трага ни глас.“
Мислејќи дека можеби само изнесува ѓубре, девојката се обидела да заспие, но десет минути подоцна добила ново известување – а него сè уште го немало.
Далечинско исклучување на камерата
Откако повеќе пати се обидела да го добие на телефон без успех, признала дека била бесна – но ситуацијата станала уште полоша.
„Почекав уште десет минути за повторно да ја проверам камерата и видов дека е исклучена од далечина“, рекла таа. „Ја вклучив повторно и сфатив дека сè уште го нема, што значи дека ги видел моите пропуштени повици, одлучил да ме игнорира и ја исклучил камерата.“
Според времето забележано на снимките, пресметала дека тој се вратил дома дури по три часа.
Дали раскинувањето е претерана реакција?
Во својата објава, која подоцна била избришана, таа заклучила:
„Откако се вратив дома, тој се однесува сосема нормално и воопшто не разговаравме за тоа. Колку повеќе време поминува без да признае нешто, толку повеќе се лутам. Размислувам да раскинам поради ваквото однесување. Дали би претерала ако го направам тоа?“
Нејзината приказна предизвикала бројни реакции, а повеќето корисници ѝ дале сличен совет.
„Седни со него и разговарај“, напишал еден корисник. „Не дозволувај да ја сврти приказната кон тоа дека ти не му веруваш. Тој ти даде причина за сомнеж.“
Друг бил поостар: „Не, раскинувањето не е претерано. Што и да правел, било доволно лошо за да те лаже.“
Трет додал: „Невините луѓе не лажат и не кријат работи од партнерот. Ако не сака да знаеш каде бил, тоа е доволна причина. Кога нема доверба, раскинувањето никогаш не е грешка.“
Сепак, имало и такви што го бранеле момчето. Еден корисник напишал: „Да сум јас на негово место, би се налутил што ме следиш и проверуваш. А тие вознемирувачки пораки? Не би ти одговорил од принцип.“