Поради своето смирение и скромност, патријархот Павле бил и останал најомилениот српски патријарх. Неговите совети и мудри мисли се раскажуваат и се пренесуваат меѓу верниците со голема почит.
Веројатно нема човек кој не бил во дилема дали да опоменува блиска личност за грешка или зло, или да остане настрана и да го премолчи своето мислење за да не предизвика расправија и да бидат погрешно протолкувани.
Не ни е забрането, дури и наша должност е кога ќе видиме некој како прави зло, да видиме дека тоа е зло. Но, тука е нашата молитва до Бога да се поправи, и кога нашите чувства ќе се смират за неколку дена или месеци, да му кажеме на тој брат дека тоа што го прави не е добро.
Свети Василиј Велики опоменува Не дозволувајте лажната братска љубов да ве направи братоубиец. Ако не го правите она што можете, со тоа што не го опоменувате на мирен начин, ќе му помогнете да ја изгуби својата душа“.