Новите измени во законот за безбедност на сообраќајот во Србија ќе донесат сериозни промени за возачите, а три прекршоци ќе станат особено строго санкционирани.
Од почетокот на годината на патиштата во Србија загинале повеќе од 400 луѓе. Само изминатата ноќ, во две сообраќајни несреќи, животот го загубиле три лица, меѓу кои и едно дете. Во последната седмица загинале 14 луѓе, над 40 се тешко повредени, а голем број имаат полесни повреди. Тешки несреќи се случиле кај Лачарак, Баточина, Рума и Чачак.
Според Владaн Николиќ, помошник-началник во Управата за сообраќајна полиција на Србија, човекот и понатаму е најголем фактор за несреќите – преголема брзина, алкохол и неподготвеност за зимски услови се најчестите причини.
Тој посочува дека многу возачи сè уште немаат зимска опрема, иако календарски зимата е на прагот. Сепак, годинава има 23 загинати помалку од лани, па постои надеж дека првпат по долго време бројката ќе биде под 500.
Нов закон – многу построги казни
Со новиот закон, кој е во подготовка, ќе се воведат драстично повисоки парични казни. Особено ќе бидат санкционирани прекршоците што најмногу предизвикуваат страдања:
-
непрописно превезување деца во автомобил,
-
алкохол кај возачи што превезуваат деца – ќе се предлага нулта толеранција,
-
неносење сигурносен појас – казната ќе биде значително поголема.
Целта е да се намали бројот на трагедии и да се создаде поцврст правен систем што ќе ја подобри безбедноста на сообраќајот во Србија.
Паник-тастер – опција, а не обврска
По последна тешка несреќа, се отвори дебата околу паник-тестeрот. Николиќ појаснува дека ова не е задолжителен систем во Србија, туку само опција што ја имаат некои современи возила. Постојат и модерни телефони што автоматски испраќаат SOS-повик по судир, што се случило и во конкретниот случај.
Оваа технологија постепено се воведува во стратегијата за сообраќајна безбедност и се очекува во иднина да има поголема примена.
Услови на патиштата
Според информациите од сообраќајната полиција, сите патишта во Србија се проодни, но на подрачјата на Ивањица, Мајданпек, Нови Пазар, Ваљево и Заечар има снег. Се препорачува голема внимателност, особено во клисури, поречја и повисоки предели каде што е можно создавање поледица и магла.
Коловозите се насекаде барем влажни, па се советува зголемена претпазливост.