Најдлабокиот базен на светот за нуркање е отворен во Дубаи, а посетителите ќе можат да се спуштат на длабочина од 60 метри до потопениот град и да играат аркадни игри.
Дубаи, туристички и деловен центар со пустински терен и неколку месеци со високи температури, е познат по екстравагантни атракции, како што е затворена скијачка патека, големи водни паркови и највисоката зграда на светот.
Базенот, со големина на шест олимписки базени, е потврден во Гинисовата книга на рекорди како најдлабокиот базен во светот за нуркање.
Deep Dive Dubai наведува дека е 15 метри подлабок од кој било друг базен.
Дизајниран во форма на остриги, тоа е исто така најголемото подводно филмско студио во регионот.Нуркачите се спуштаат во потонатиот град со звуци и осветлување. На патот надолу има две суви простории исполнети со воздух.
Посетителите можат да изберат дали ќе нуркаат со или без резервоари за кислород, соопштила компанијата што управува со атракцијата.