Речиси секој возач ја отвора вратата со левата рака
Кога излегува од автомобилот, скоро секој возач ја отвора вратата со левата рака. Ова во никој случај не е добра идеја, бидејќи може да биде опасна по живот. Откако ќе го паркирате автомобилот покрај патот, свртете се и отворете ја вратата со десната рака .
На тој начин, ќе ја свртите главата назад и ќе видите на време дали велосипедист или мотоциклист поминува покрај вас, па отворањето на вратата може да го собори, или можеби друго возило што ќе ви ја откине вратата, а можеби и ќе ве повреди.
Ова се случува почесто отколку што мислиме. На пример, велосипедист не може да знае дека возачот ќе излезе од возилото во истиот момент, а возачот не гледа што се случува на патот, туку автоматски ја фаќа рачката на вратата со левата рака и ја отвора. Ова се секунди што можат да значат живот.
Отворањето на вратата со десната рака всушност го принудува возачот да го сврти горниот дел од телото, а потоа многу поголем дел од патот е во неговата глетка. Во Холандија, возачите обрнуваат внимание на овие работи, така што многу почесто ја користат десната рака.
Се е прашање на навика и некој не посочува на потенцијален проблем за кој можеби до тогаш не сме размислувале, пишува CountryLiving.