Православна црква и верниците денес е еден од најтажните празници. На овој ден се спомнува животот и големото страдање на Светите апостоли Стахиј, Амплиј, Урван и другите.
Според преданието во кое веруваат сите христијани, освен дванаесетте големи апостоли кои лично го познавале Исус и биле негови први ученици, Бог избрал уште седумдесет други апостоли за да го проповедаат Евангелието и да го шират христијанството.
Некои од тие „мали апостоли“ биле и Светите апостоли Стахиј, Амплиј и Урван.
Свети Стахиј бил првиот епископ на Визант.
Живеел и проповедал во I век и бил помошник на Светиот Андреј Првоповикан.
Се верува дека многумина од паганите ги обратил во христијанство, дека бил праведен и добар човек, и дека бил извонреден беседник кога станувало збор за христијанските поуки.
По шеснаесет години архиерејска служба, мирно починал во 54 година. Особено се почитува во Романија и Русија.
Амплиј проповедал во Лида, или Диоспољ во Јудеја, а Урван во Македонија. Познати се по тоа што рушеле идоли и го ширеле христијанството, поради што навлекле гнев кај многубошците и биле убиени.
Христијанските верници денес се сеќаваат и на другите „мали апостоли“ кои пострадале за славата на Исус Христос.
Свети Наркес бил епископ во Атина; поради својата вера бил мачен и убиен.
Свети Апелиј бил епископ во Ираклија Тракиска и по долг и благочестив живот починал во длабока старост.
Свети Аристовул, братот на апостолот Варнава, ја проповедал верата Христова во Британија, каде што мирно починал.
Сите овие светители денес се пример за искрена љубов и посветеност кон Бога.
Се верува дека секој што ќе се најде во неволја, треба со молитва да им се обрати на овие апостоли:
„Свети апостоли, молете го Милостивиот Бог да им подари прошка на нашите души.“
Според народното верување, на сите кои искрено се молат, помошта ќе им дојде.