Во време кога повеќето купечки џемови се полни со адитиви, реткост е да се најде рецепт без ниту трошка конзерванс. Овој домашен џем од сливи е токму таков – едноставен, природен и полн со вкус.
Состојки:
-
5 кг зрели сливи
-
500 г шеќер (по желба, зависно од сладоста на овошјето)
Подготовка:
-
Сливите добро измијте ги, исчистете ги и извадете ги семките.
-
Ставете ги во тенџере со дебело дно и варете ги на тивок оган, со често мешање за да не загори смесата.
-
При крај на варењето додајте шеќер само ако сливите се покисели.
-
Џемот е готов кога ќе стане густ и темен, а не се разлева од лажицата.
-
Врелиот џем сипете го во стерилизирани тегли, добро затворете ги и покријте ги со ќебе додека да се оладат.
Зошто е посебен?
Овој традиционален џем од сливи трае со месеци без никакви додатоци, ја задржува природната сладост и хранливи материи, а можете да го јадете со леб, палачинки, колачи – или едноставно со лажичка како десерт полн со носталгија.