Жителите на Блаце и околината деновиве беа изненадени од една невообичаена природна појава.
Имено, на неколку локации багремот процветал по вторпат оваа година, што според народните верувања се смета за многу лош знак, бидејќи вообичаено цвета само еднаш, во доцна пролет.
Необичната слика на расцутен багрем среде лето го привлече вниманието на минувачите, но кај повозрасните жители разбуди и стари народни верувања за претстојната зима.
Според нив, природата секогаш испраќа одредени знаци, а повторното цветање на багремот е еден од нив.
„Во народот одамна се верува дека кога овошките или багремот ќе процветаат по вторпат кон крајот на летото или почетокот на есента, тоа најавува долга, остра и многу студена зима. Старите велеле дека растението на тој начин ‘брза’ да заврши уште еден вегетациски циклус пред да настапат големите мразови“, вели еден од жителите.
Иако стручњаците оваа појава ја поврзуваат со невообичаените временски услови, односно со смената на долги топли периоди и врнежи, кои кај некои растенија можат да поттикнат повторно цветање, народните верувања со векови ваквите појави ги толкувале поинаку.
Според старите преданија, повторното цветање на багремот можело да биде најава за постудена и потешка зима. Дали ова верување ќе се покаже точно и овојпат, останува да се види во наредните месеци.