Д-р Даница Грујичиќ, директор на Институтот за онкологија и радиологија на Србија, рече дека од 1999 до 2018 година е забележано драстично зголемување на бројот на деца заболени од рак.
На презентацијата на монографијата „Вистината за последиците од НАТО инвазијата на Србија во 1999 година“, таа ги претстави застрашувачките резултати од истражувањето.
– Имавме многу поголем број деца со малигни заболувања. Тогаш децата и младите почнаа да развиваат тумори кои не беа карактеристични за нивната возраст. Забележавме дека туморите почнаа да ја менуваат својата природа и стануваат отпорни на терапија. Покрај малигнитет кај пациенти со онкологија, забележавме патолошка бременост, аномалии кај новороденчиња, автоимуни заболувања и стерилитет кај млади брачни парови – рече д-р Грујичиќ.
Таа потсети и на уништувањето на животната средина за време на инвазијата и посочи дека е извршен екоцид во овој дел од светот во 1999 година, додека денес заштитата на животната средина е тема од исклучително значење.
Во пракса, имаме многу поголем број на патолошки бремености, автоимуни заболувања, хромозомски аберации, како и стерилитет кај мажи. Овие појави проф. Д-р Слободан Шикариќ го поврза со зголеменото ниво на радијација како последица од бомбардирањето на НАТО, а на сите нас во науката останува да испитаме и докажеме дали е причинско-последично поврзано – рече проф. Грујичиќ.
Монографијата претставува податоци за периодот од 1999 до 2018 година и во тој временски интервал статистички значително се зголеми бројот на малигни заболувања.
– На пример, во 2015 година, имавме 38.000 нови случаи и 21.000 смртни случаи. Покрај сето тоа, Србија, според Европскиот информативен систем за рак, е една од земјите со среден ризик. Но, сите балкански земји имаат висока стапка на смртност кај луѓето кои страдаат од оваа болест, што повторно може да биде поврзано со последиците од зрачењето – рече проф. Грујичиќ.
Директорот на Институтот за онкологија и радиологија на Србија смета дека е потребно да се создаде единствен електронски регистар на пациенти со карцином. Исто така, според неа, потребно е да се формира централизирано тело на државно ниво во кое ќе има експерти од различни научни области кои ќе ги испитаат последиците од бомбардирањето на НАТО и поврзаноста со зголемувањето на бројот на лица кои страдаат од малигни болести.
Пред присутните се обрати и д-р Зорка Вукмировиќ, која е автор на монографијата заедно со д-р Грујичиќ.
– Оваа монографија е наменета за идните лекари, да вклучи млади луѓе во овој национален проект за кој се залагаме четири години и да истраеме во таа идеја. Ние би направиле методологија што е универзална, не би била само за овој случај, туку и за сите други – рече д-р Вукмировиќ.