Поради актуелната нестабилна безбедносна состојба во регионот, Министерството за надворешни работи информира дека Амбасадата на Република Северна Македонија во Абу Даби активно работи на организација на комерцијален лет за евакуација на македонските државјани од Обединетите Арапски Емирати.
Кој треба да се пријави?
Сите македонски граѓани кои сакаат да се вратат во земјава, а сè уште не се пријавиле, се повикуваат што е можно побрзо да стапат во контакт со Амбасадата заради навремена организација и координација.
📞 Телефон: +971 56 441 7532
📧 Е-пошта: [email protected]
Безбедноста е приоритет
Од Министерството нагласуваат дека безбедноста на македонските државјани е највисок приоритет.
„Пријавените лица ќе бидат навремено информирани за сите детали и услови за безбедна и организирана евакуација“, соопштуваат надлежните.
Амбасадата во Абу Даби, во координација со локалните власти во Обединетите Арапски Емирати, ги презема сите неопходни чекори за да обезбеди сигурно и ефикасно враќање на македонските граѓани во татковината.
Граѓаните се повикуваат редовно да ги следат официјалните информации и да останат во постојан контакт со дипломатско-конзуларното претставништво.