Вториот ден од Страсната недела е Велики, Страсен или Завалит вторник, а ова се обичаите што се практикуваат.
Последната недела од Велигденскиот пост започна денес, а во народот е позната како Страсна, Страдална или Велика недела.
Таа нè воведува во тајната на страдањето Господово, а во текот на оваа недела сите верници треба да се потрудат да си простат едни на други, бидејќи ако им простиме на другите, и Христос ќе ни прости нам.
Секој ден од оваа недела има свое значење, а по Велики понеделник следи Велики, Страсен или Завалит вторник.
На Велики вторник од дамнина строго се постело, што во пракса значело дека во текот на денот се јаде многу малку, понекогаш само вода или кафе.
Затоа, на Велики вторник не треба да се јаде повеќе од еднаш, доколку ги почитувате традицијата и обичаите. Доколку јадете, оброкот треба да биде што поскромен и поедноставен.
Како и во текот на сите денови од оваа недела, треба да владее тишина – не се пее, не се игра оро и не се слави, бидејќи ова се денови пред страдањето на Исус Христос.
Верниците овој ден го поминуваат во мир и молитва, а се верува дека на Велики вторник не треба да има пеење, играње и никакво славење. Во минатото времето се поминувало дома, со читање молитви и во очекување на Велигден, во строг пост.
На Велики вторник се чита целото Четвороевангелие, и тоа така што Евангелието по Матеј се чита во два дела, Евангелието по Марко исто така во два дела, Евангелието по Лука во три дела и Евангелието по Јован во два дела, но само до почетокот на описот на страдањето на Исус Христос, односно до зборовите:
„Сега се прослави Синот Човечки…“
Истото се прави и на Велики понеделник и Велика среда.