Се поставува прашањето дали ова е резултат на губење на волјата, промена на животниот стил или нешто сосема друго.
На социјалните мрежи се шират фотографии од летна забава од минатото, кои сите имаат една заедничка работа. Имено, капачите на плажите се видно послаби од денешните.
Токму на оваа тема се посвети колумнистот на „Гардијан“, Џорџ Монбиот, кој во својата статија објави фотографија од капачи на плажата во Брајтон направена во 1976 година и ја спореди со сцените што ги гледаме денес.
Дали е тоа резултат на губење на волјата, промена на начинот на живот или нешто сосема друго? Монбиот тврди дека главни виновници за дебелината се производителите на брза храна и нивните огласувачи.
– Во седумдесетите јадевме повеќе, но поинаку. Денеска по човек купуваме половина свежо млеко, но затоа купуваме пет пати повеќе јогурт и три пати повеќе сладолед. Јадеме 39 пати повеќе различни млечни задоволства. Купуваме и половина свежи јајца. Во исто време внесуваме многу повеќе шеќер во организмот преку разни пијалоци – објасни тој.
Монбиот смета дека луѓето не се виновни за нивната дебелина.
– Не е работата да јадат повеќе, помалку да вежбаат или да немаат волја. Срамот на дебелите луѓе треба да престане – смета тој.
Монибот објасни дека храната што ја јадеме денес е едноставно различна од онаа што беше достапна во минатото и додаде дека разни прехранбени компании вработуваат „армија од научници и психолози“ за да не убедат да јадеме повеќе отколку што ни треба.