Ако сакате интересни видеа на Тик Ток кои откриваат разни домашни трикови, тогаш сигурно веќе сте слушнале за Андреј Емелијанов од Санкт Петербург, Русија.
Овој сладок млад човек, секогаш шармантно облечен во своите видеа во бела кошула со црвена машна, има завидна бројка на следбеници од дури 7,8 милиони, а неговите објави достигнуваат над 40 милиони прегледи. Целата поента на неговиот профил е тој да проба различни трикови на кои ќе наиде и да открие дали функционираат или не.
Неговото видео за користење на познатиот спреј WD-40 во домот привлече големо внимание.
Иако на сите веќе ни се познати различните предности на овој спреј, Андреј ни откри и неколку нови трикови и начини на негово користење за кои до сега не сме знаеле. Меѓу другото, младиот човек открива дека спрејот може да се користи за отстранување на тврдоглавите бигор и за враќање на сјајот на славините, отстранување на фломастери од дрвените површини и отстранување на ‘рѓа и знаци на старост од истрошените кваки на вратите. Тој ни откри дека WD-40 е исто толку корисен за заглавениот патент како што е корисен за тешките завеси.