Брз и здрав оброк од тиквички се подготвува со само неколку состојки, а вкусот е таков што ќе посакате постојано да го јадете.
Полека започнува сезоната на тиквички – тоа „магично“ зеленчук што речиси сите го сакаат. Има неутрален вкус, многу е здраво, достапно по цена, а можеби најважно – нуди безброј можности за подготовка.
Мусака од тиквички и полнети тиквички се едни од стандардните јадења што можете да ги подготвите, но може да направите и плескавици или уштипци.
За денес ви подготвивме рецепт за поховани тиквички од рерна, кои се одлични затоа што се прават речиси без масло, а се брзи и практични – само се подготвуваат и се ставаат во рерна, без да стоите покрај шпорет.
Рецепт за поховани тиквички во рерна
Состојки:
- 2 тиквички
- брашно
- 2 јајца
- сусам
- презла
- малку маслиново масло
Подготовка:
Измијте ги и излупете ги тиквичките, па исечете ги на тенки парчиња. Посолете ги и оставете ги околу 10 минути за да пуштат вода.
Потоа исцедете ги, па секое парче извалкајте го прво во брашно, потоа во изматени јајца и на крај во мешавина од сусам и презла.
Наредете ги во тава обложена со хартија за печење, па попрскајте ги со малку маслиново масло.
Печете ги на 180 степени околу 15 минути, додека не добијат златно-кафеава боја.