Ако сакате здрава јетра и црева, оваа комбинација е најдобра за појадок — открива познатиот гастроентеролог

Одржувањето здрави црева е од суштинско значење за целиот организам — од варење, имунитет и хормонална рамнотежа, па сѐ до нервниот систем, велат од Cleveland Clinic.

Храна која изобилува со шеќери, заситени масти и висок степен на киселост може сериозно да го наруши микробиомот, но, среќа, постојат намирници кои можат да го обноват. Меѓу нив е чиа-семето — моќна суперхрана која дејствува и како природен пробиотик. Гастроентерологот, д-р Џозеф Салхаб, преку низа TikTok видеа го споделува рецептот за свои омилени брзи и хранливи појадоци кои го поттикнуваат здравјето на црева­та и јетрата.

Пудинг од боровинки и чиа-семе

Потребни состојки:

• ½ шолја свежи боровинки (плус неколку за декорација)

• ½ шолја грчки јогурт

• 1 лажица чиа-семе

• ½ лажичка екстракт од ванила

• 1 лажичка мед (по желба)

• 1 лажичка какао зрна или темна чоколада

Начин на подготовка:

1. Издробете ги боровинките со лажица во сад.

2. Додајте го јогуртот, чиа-семето, ванилата и медот.

3. Добро измешајте додека не се соединат сите состојки.

4. Украсете со свежи боровинки и какао.

5. Покријте го и оставете во фрижидер најмалку 2 часа или преку ноќ.

Зошто е здрава опција?
Овој појадок се подготвува за само неколку минути, а изобилува со антиоксиданси, растителни омега-3 масни киселини и влакна. Д-р Салхаб објаснува дека „боровинки, какао зрна и чиа-семе ја поддржуваат меморијата, фокусот и здравата мозочна сигнализација, а истовремено ја намалуваат воспаленоста во јетрата.“

Пудинг од манго и чиа-семе — тропска варијанта

Потребни состојки:

• 1 манго, излупено и исечено

• 1 шолја грчки или кокосов јогурт

• 2 лажици чиа-семе

• 1 лажица јavorов сируп (по желба)

Начин на подготовка:

1. Иситнете го мангото во мазен пире.

2. Додајте го јогуртот, чиа-семето и јavorов сируп.

3. Измешајте и ставете го во фрижидер најмалку 2 часа.

Зошто е нутритивно силна опција?
Една шолја манго обезбедува 67 % од дневната потреба за витамин Ц, 20 % за бакар, како и значителни количини витамини A, E, B6 и K — совршена мешавина за енергија и имунолошка поддршка.

Зошто чиа-семето е вистинска нутритивна бомба?

• Богато е со калциум, магнезиум и фосфор — важни за здравјето на коските.

• Изобилува со антиоксиданси кои ја намалуваат шансата за срцеви болести и рак.

• Содржи влакна кои ја подобруваат дигестијата, продолжуваат чувство на ситост, помагаат во регулацијата на шеќерот и холестеролот и го поддржуваат здравиот микробиом во цревата.

• Само две лажици чиа-семе го покриваат 40 % од дневните потреби за влакна.

• Богати се со магнезиум — важен за добар сон, опуштање на нервниот систем и правилна функција на GABA-невротрансмитерот, кој го стимулира мирот пред сонот.

• Омега-3 масните киселини ги поддржуваат срцето, мозокот и го намалуваат воспалението.

Ако не сте љубител на пудинзи, едноставно додајте чиа-семе во овесна каша, смути, супи, салати, па и во леб или други печива. Некои го мешаат со вода и лимон за брз енергетски пијалок.