Познати се нови детали за нападот врз куќата на пејачот Здравко Чолиќ, каде што на 3 февруари била фрлена рачна бомба.
Вишото јавно обвинителство во Белград покрена истрага против Сенада М. (32) и уште едно лице кое е во бегство, под сомнение дека на два датума активирале и фрлиле рачни бомби врз семејни куќи на оштетени лица. Истрагата се води и против третоосомничен, Марко А., кој според наводите им помогнал со обезбедување на експлозивните направи.
Според обвинителството, на осомничените им се ставаат на товар кривични дела поврзани со недозволено производство, поседување, носење и промет на оружје и експлозивни материи, како и предизвикување општа опасност.
На сослушувањето, Сенад М. го искористил законското право да не дава одбрана, додека Марко А. го негирал делото и одбил да одговара на прашања.
Обвинителството предложило притвор за осомничените поради опасност од влијание врз сведоци и можност за повторување на делото, а за лицето во бегство е побарана потерница.
Според сомневањата, првиот напад бил извршен во ноември 2025 година врз куќа во општина Палилула, кога била фрлена рачна бомба во дворот. Вториот напад бил извршен во февруари 2026 година врз куќата на З. Ч. на Савски Венац. Во тој случај осомничените користеле такси превоз, а потоа се доближиле со тротинет, по што ја активирале и фрлиле експлозивната направа и се оддалечиле од местото.