Мајка од Јужна Кореја сакала да донира дел од својот црн дроб на претседател на компанија за да го вработи својот син.
Неверојатната приказна за мајката од Јужна Кореја , која му понудила дел од црниот дроб на претседателот на една компанија за да го вработи својот син, го обиколи светот. Жената слушнала дека на мажот му треба дел од орган поради болеста што ја има и е подготвена да се оперира за да може нејзиниот син да се вработи . Сепак, овој план „пропадна“ бидејќи жената се зарази со коронавирус.
Очајната мајка побарала и пари за да донира дел од црниот дроб. Претседателот на компанијата и понудил 60.000 фунти. Сепак, иако операцијата не беше извршена поради Ковид, на анонимната жена сега и се суди под обвинение за кршење на Законот за трговија со органи. На судењата, жената тврдела дека не знаела дека го крши законот и дека очајно сакала да го вработи својот син. Напоменала и дека станала алчна кога и понудиле пари, пишува Дејли Стар.
Сепак, анонимната мајка е казнета и мора да плати 18.700 фунти. Претседателот на компанијата е осуден и на затворска казна од шест месеци, која е заменета со условна затворска казна од две години. Уште едно лице е осудено на една година затвор.
Инаку, нивниот чуден распоред бил откриен кога анонимната жена била испрашувана од Националниот институт за органи, ткиво и крв.