Се предвидува дека летово во Хрватска може да има недостиг од дури 30.000 работници во угостителството. Веќе започна потрагата по келнери, готвачи, собарки и други сезонски работници. Во Дубровник затоа веќе имаат издадено двојно повеќе дозволи за странски работници од лани.
Во Дубровник веќе се издадени над 1.000 работни дозволи за странци, а меѓу нив е и Младен Кукрика од Требиње, кој работи како келнер за околу 1.000 евра.
„Кога станува збор за бакшиш, да речеме дека е речиси плата до плата“, откри овој млад човек. Во текот на сезоната дури и собарките можат да ја заработат оваа бројка за пет часа работа дневно, пренесуваат хрватските медиуми.
Добрите мајстори за скара секогаш се на премија, а тоа го потврдува и сопственик на угостителски објект кој неодамна понудил плата од 3.200 евра.
Секако дека зависи од неговото знаење и желба за работа“, истакна сопственикот.
И додека местото е веќе пополнето, а „среќникот“ е локален, врвен готвач, кој занаетот го совладал во Лондон и Дубаи, други не веруваат дека навистина е вработен за таа сума.
„Тоа е невозможно, па не продава златни плескавици“, со неверување вели еден Жељко од Дубровник.
„Верувајте ми, 3.200 евра за готвачот нема да ги даде на Непалец или Филипинец, ќе ги даде на Хрват. Во евра просекот е околу 1.000 евра, а увезената работна сила е 700 евра, платата е 600, тоа значи нешто“, вели менаџерот и ресторант Марин Медак од Загреб.