Мери Перело, сопруга на познатиот тенисер, се породи денеска во Палма де Мајорка и роди момче
Рафаел и Марија Чиска Перељо, со која е заедно 17 години, станаа родители, а познато е дека Надал со месеци внимава на состојбата на сопругата.
Инаку, интересно е што славната двојка се познава уште од раното детство, а се венчаа дури во 2019 година, по деценија и пол врска. Сите овие години многумина се прашуваа зошто немаат деца, што е вечна тема во шпанските медиуми.
– Искрено, секогаш мислев дека ќе имаме деца кога ќе ја завршам кариерата. Мислев дека мојата кариера ќе трае до 30 години, но испадна многу подолга од тоа – изјави Надал во една емисија, поради што многумина беа убедени дека едноставно го чекаат моментот кога Надал „го обеси рекетот на колче”. иако многумина сепак веруваа дека проблемот е неплодноста поради сите суплементи што ги користи тенисерот.
Кога станува збор за Циска, убавата црнка во текот на сите овие години беше многу дискретна и ненаметлива, па и покрај тоа што во секоја смисла е најголемиот поддржувач на својот сопруг, честопати не е физички присутна на трибините додека Надал игра некои од решавачките мечеви. .
– Му треба простор кога се натпреварува, а самата идеја да го чекам цел ден да го заврши тоа што треба да го направи и да шетам ме изморува. Ќе ме задушеше. Ќе мораше да се грижи за мене… Само не. Ако го следам секаде, мислам дека постои ризик да престанеме да се разбираме – изјави таа.
Во истото интервју, Марија истакна зошто толку се трудат да ја задржат врската само за себе:
– Дури и кога семејството ме прашува за него, не кажувам многу. Факт е дека едноставно не се чувствувам удобно да зборувам за мојот личен живот. И тоа му одговара на Рафаел. Никогаш не би сакале да биде поинаку.
Ниту Надал не е позборлив од неа, а само во неколку наврати се осврна на нивната врска, па токму тогаш го прашаа дали планира еден ден да стане татко.
– Би сакал да имам деца: момчиња, девојчиња… Сакам деца и сум семеен човек. Мислам дека грижата за децата треба да биде пред се. Затоа, не сум сигурен дека е идеално време да ги имам, додека постојано патувам. Тоа треба да го одреди мојот спортски живот – потенцираше тој во 2017 година.
Сепак, минатата година конечно го олабави јазикот и во шпанското шоу „Mi casa es la tuya“ на публиката и откри неколку интересни детали за неговата сопруга.
– Ја познавам од мала. Нејзиното име е Марија Франциска, но јас ја викам Мери. Ја викам Марија Франциска само кога се расправаме. Но, ние никогаш не се караме. Таа е многу мирна – рече Надал и објасни дека „заклучувањето“ поради пандемијата и било полесно отколку нему, со оглед на тоа што имала полни раце работа во нивната фондација.
Инаку, оваа скромна Шпанец е две години помлада од Надал, а завршила студии за менаџмент и осигурување. Порано работела во осигурителна компанија, а денес е деловен партнер на нејзиниот вереник – работи како директорка на неговата хуманитарна организација.
