Состојбата во салата Александар Николиќ кога Новак Ѓоковиќ им дал банкнота од 100 евра на млади момчиња кои пришле да се сликаат, збуни многумина, пишува Курир.рс.
На полувремето од натпреварот многу навивачи сакаа да се фотографираат, а меѓу нив имаше и млади момчиња кои Новак ги почести со споменатата сума на пари.
Еден од нив се јавил во редакцијата на Курир за да ја објасни целата ситуација.
Во прашање е млад човек со иницијали УГ, фан на Црвена звезда кој откри како се случило се.
Имено, тој и неговото друштво ја пронашле платежната картичка на Новак во близина на салата, а обезбедувањето во салата и дозволило на оваа фина група да се приближи до теренот и да му ја врати картичката на тенисерот.
Кога се приближиле, Новак се израдувал и срдечно ги поздравил, што може да се види на видеото.
„Тоа сте вие момци!“ им рекол Ѓоковиќ на младите, кои од него побарале фотографија.
Сепак, тие добија повеќе од обична слика, иако тоа не го очекуваа.
Новак од џебот извади 100 евра кои во знак на благодарност им ги предаде на младите навивачи на Црвена звезда.