Споредувајќи ја годинашната сезона на грип и минатогодишната сезона на грип во Америка, тие заклучија дека повеќето деца кои починале од компликации предизвикани од грип не биле вакцинирани.
Не само годинава кај нас пристигна „сезонската епидемија на грип“, туку епидемијата на грип ја зафати и Америка. Би било добро и ние и нашите функционери да извлечеме поуки од туѓи искуства за да се намали бројот на компликации, а особено е важно да се намали бројот на смртни случаи од грип.
Приближно половина од починатите деца веќе имале некои здравствени проблеми пред инфекцијата, па биле ранливи на тешки компликации од грипот, а 60% биле примени во болница пред да умрат.
Во претходните сезони на грип во Америка, дури 85% од децата кои починале по грип не биле вакцинирани. Одделни студии покажаа дека вакцините против грип биле ефикасни во спречувањето на компликации и кај децата и кај возрасните.
Водачите на Националниот институт за алергија и заразни болести на САД и Центарот за контрола и превенција на болести на САД се согласуваат со наодите дека бројот на смртни случаи кај децата поради грип значително би се намалил доколку се вакцинираат повеќе деца.
И во Америка некои родители не сакаа да ги вакцинираат своите деца против грип, но тоа, за жал, заврши трагично за некои деца. Се случува кај децата со ослабен имунитет да дојде до дополнително слабеење на имунитетот поради грип, а потоа да настанат компликации поради секундарна инфекција како пневмонија, која понекогаш завршува со смрт.
Зошто компликации?
Лекарите предупредуваат дека понекогаш се случува грипот да се смири и да помине, а потоа наеднаш да настанат компликации со можен фатален исход. Важно е родителите да разберат дека компликациите од грипот се можни и кај возрасните и кај децата и да се грижат грипот да се сфати сериозно и да „остане“ колку што е потребно.
Објаснувањето е логично: грипот го ослабува имунолошкиот систем, но го ослабува и заштитниот слој во носот, устата и грлото (преку дишните патишта) така што бактериите во поголеми количини можат да навлезат во белите дробови и да ги заразат. Кога дишните патишта се оштетени и ослабени поради грип, потребни се околу 7 дена слојот да се обнови и да ја врати својата заштитна улога за внатрешните органи, особено за белите дробови.
Како функционира вакцината против грип?
Она што го покажаа искуствата од Америка од оваа и од претходните години е дека оние кои се вакцинирани – дури и со вакцина против несоодветен тип на грип – се позаштитени, не само од грип, туку и од компликации предизвикани од грип.
Совети
Родителите мора да им овозможат на своите деца одмор, здрава исхрана и многу топли напитоци најмалку една недела по грипот и да ги заштитат од други инфекции, а доколку се појават нови инфекции да реагираат брзо.
Знаци дека децата се повторно болни и може да бидат во опасност по втор пат: Брзо дишење
Не изгледајте добро, дури и кога температурата се намалува (бледило, слабост, губење на апетит, депресивно однесување…)
Жалба за болка во одредена област
Кашлица или кивање што продолжува или се влошува, дури и кога другите симптоми се намалуваат
Другите знаци може да бидат помалку видливи и суптилни, нагласуваат педијатрите, па доколку забележите нешто невообичаено, навреме консултирајте се со лекар за да спречите можни компликации. Подобро е понекогаш да бидете досадни отколку да пропуштите критични симптоми.
И кога ќе заврши половина од сезоната на грип, сè уште не е доцна децата и возрасните да се вакцинираат против грип.