Почитувани ви пренесуваме ФБ статус од Горан Кунгуловски ШЕФ на лабароторијата во клиника Жан Митрев!
За ситуацијата во Жан Митрев клиника од научен аспект [време на читање 5-10 мин]
Ќе ги коментирам само деловите од репортажата и аргументите произнесени коишто се однесуваат на биомедицинскиот и клиничкиот аспект и се базираат на достапна научна литература и написи од медицински здруженија или агенции за лекови. Во оптимални услови, ваков тип на дискусии треба да се одвиваат првенствено во стручни кругови, да се соберат сите аргументи и потоа истите да се пренесат на јавноста.
Тврдење 1 – во Жан Митрев клиниката се вршеле експерименти на луѓе со неодобрени, небезбедни и нетестирани методи на хемофилтрација
Репортажата, барем за мене остава лажен впечаток дека во Жан Митрев болницата се вршеле “експерименти на живи луѓе со небезбедна, неиспитана и нетестирана метода” и за тоа пациентите не знаеле. За една метода да биде небезбедна, неиспитана и нетестирана, треба да биде и НЕОДОБРЕНА за својата намена. Но тоа не е така. Хемофилтрите коишто се користат во ЖМК според тековната литература и децении на употреба во медицински установи се ОДОБРЕНИ, безбедни и ефикасни за својата намена.
Овие филтри како медицински средства за КОВИД се ургентно одобрени од американската агенција за лекови (FDA), за мене највисок светски авторитет заедно со ЕМА кога се работи за лекови и терапии, https://www.fda.gov/medical-devices/coronavirus-disease-2019-covid-19-emergency-use-authorizations-medical-devices/continuous-renal-replacement-therapy-and-hemodialysis-devices-euas со дозвола којшта е еквивалентна на таа на вакцините за КОВИД. Еве го и индикациониот опсег при КОВИД https://www.fda.gov/media/137266/download
Хемофилтрацијата влегува во листата на есенцијални средства за борба против КОВИД според Европската Комисија https://docslib.org/doc/3569223/list-of-covid-19-essential-medical-devices-mds-and-ivds. Нетестирани и небезбедни средства на може да бидат есенцијални и да влезат во оваа листа.
Хемофилтрацијата се наоѓа во препораките за најдобра клиничка пракса при КОВИД-19 од страна на Европското здружение за интензивно лекување, Британското здружение и Реналната асоцијација. Неодобрено и нетестирано медицинско средство на може да стои во препораки за најдобра клиничка пракса.
https://ukkidney.org/sites/renal.org/files/Clinical%20Practice%20Guideline_RRT%20for%20Critically%20Unwell%20Adult%20Patients_FINAL.pdf
Хемофилтрацијата како медицинско средство има дозвола за увоз и употреба кај КОВИД пациенти од страна на македонската агенција за лекови и медицински средства (МАЛМЕД). Значи е призната како медицинско средство од страна на МАЛМЕД.
За мене, горенаброеното оди во насока дека хемофилтрацијата е ЛЕГИТИМНО медицинско средство за лекување на КОВИД пациенти.
Професорот Лабачевски https://novatv.mk/intervju-so-farmakolog-d-r-nikola-labachevski-regulativata-za-klinichkite-ispituvana-vo-makedonija-e-postroga-i-od-evropskata/ вели дека“Според Европската регулатива која го регулира изведувањето на клиничките испитувања во државите членки на Европската Унија, неинтервенциските клинички студии (кога лек или медицинско помагало кои имаат одобрение за промет се употребуваат во рамките на одобреното индикационо подрачје, во дози и начин кој е пропишан за негово користење) немаат статус на клинички испитувања и не се предмет на регулативата за добивање на одобрение за клиничко испитување.”
Хемофилтрацијата е одобрено медицинско средство и како такво НЕ МОЖЕ да има статус на клиничко испитување и не е предмет на добивање на одобрение. Следствено во самата болница не може да се извршувале клинички испитувања.
Ако ги отворите научните трудови објавени од лекарскиот тим на ЖМК ќе утврдите дека во тие научни трудови не се тестира БЕЗБЕДНОСТА на хемофилтрите, бидејќи таа е претходно испитана и докажана од страна на производителот и релевантните светски аген
Добра аналогија е купувањето на автомобил. Кога го купувате автомобилот од продажен салон, обврска на производителот и автомобилските регулаторни агенции е да ја утврдат и потврдат безбедноста и дијапазонот на загадување од страна на автомобилот. Обврска на возачот е да го вози автомобилот според пропишаните препораки, а не да ја тестира неговата безбедност и загадување. Возачот единствено може да направи “студија” во којашто ќе ја утврди потрошувачката на гориво при различни пропишани начини и брзини на возење.
Тврдење 2 – во Жан Митрев клиниката со висок процент се застапени секундарни инфекции
Репортажата остава лажен впечаток дека секундарните инфекции (или суперинфекции) се случуваат само во Жан Митрев клиниката, кога секое лице што се занимава со медицина или има биомедицинско познавање знае дека тие секундари инфекции се неизбежни, токму поради нивната интринсична природа.
Тие влегуваат во болниците најчесто преку пациент којшто е веќе колонизиран со микроорганизмот, пример од дома или друга болница (значаен број од пациентите во ЖМК биле носени од други здравствени институции), но некогаш како и дел од неговата природна микрофлора. Овие микроорганизми може да се пренесуваат преку директен контакт со кожа, објекти и површини. Во првиот момент кога ќе стапи микроорганизмот во контакт со пациент со ослабнат имун систем (како кај КОВИД), хронична болест на бели дробови, дијабетес, долг болнички престој (како кај КОВИД), состојби при коишто се користи респиратор (како кај КОВИД), состојби кога се користи катетер (како кај КОВИД) или при третман на отворени рани, веднаш почнува да се дели и да доведе до инфекција. Ова важи и за микроорганизми коишто во при нормална здравствена состојба не делуваат како патогени, но стануваат патогени при ослабната здравствена состојба и дисбаланс на организмот.
Научните студии велат дека застапеноста на секундарни инфекции во одделите за интензивна нега кај КОВИД пациенти во светот е некаде помеѓу 9.3%-87% од третираните пациенти, во зависност од клиничката слика на пациентот [дали е средна, сериозна или критична] или во зависност од фреквенцијата на тестирање.
Во студија во Белгија е откриено дека секундарна инфекција се јавила кај 68% од тестираните пациенти. https://bmcinfectdis.biomedcentral.com/articles/10.1186/s12879-022-07192-x
Во студија во Велика Британија е откриено дека секундарна крвна инфекција се јавила кај 30.6% од тестираните пациенти. https://www.cambridge.org/core/journals/antimicrobial-stewardship-and-healthcare-epidemiology/article/evaluation-of-prevalance-and-risk-factors-for-bloodstream-infection-in-severe-coronavirus-disease-2019-covid19-patients/4A9CC8C1E8D628F7C439970EE11034FE
Во друга студија во Велика Британија е откриено дека секундарна инфекција се јавила кај 12.8% од тестираните пациенти. https://www.thelancet.com/journals/lanmic/article/PIIS2666-5247(21)00090-2/fulltext
Во студија во Кина е откриено дека секундарна инфекција се јавила кај 86.8% од тестираните пациенти коишто биле хоспитализирани повеќе од 72 часа. https://apm.amegroups.com/article/view/75723/html
Во студија во Париз, Франција е откриено дека секундарна инфекција се јавила кај 27% од тестираните пациенти. https://annalsofintensivecare.springeropen.com/articles/10.1186/s13613-021-00873-x
Во студија во Кина е откриено дека секундарна инфекција се јавила кај 57.9% од тестираните пациенти. https://www.tandfonline.com/doi/full/10.1080/22221751.2020.1812437
Во студија во различни Европски оддели за интензивна нега е откриено дека секундарна инфекција се јавила кај 33.9% од тестираните пациенти https://pubmed.ncbi.nlm.nih.gov/19531951/
Во студија во направена од Шпански и Американски автори е откриено дека секундарна инфекција се јавила кај 29.5% од тестираните пациенти. https://www.medintensiva.org/es-health-care-associated-infections-in-patients-articulo-S0210569121000772
Во студија во Бразил е откриено дека секундарна инфекција се јавила кај 29.8% од тестираните пациенти. https://www.ncbi.nlm.nih.gov/pmc/articles/PMC8815857/
Во студија во Иран е откриено дека секундарна бактериска инфекција се јавила кај 11.9% од тестираните пациенти. https://www.frontiersin.org/articles/10.3389/fcimb.2022.784130/full
Во студија во Северна Индија е откриено дека секундарна инфекција се јавила кај 9.8% од тестираните пациенти. https://www.sciencedirect.com/science/article/pii/S2772707622000248
Во студија во Атланта, САД е откриено дека секундарна респираторна инфекција се јавила кај 32.3% од тестираните пациенти, а инфекција на крв се јавила кај 6% од пациентите. https://www.atsjournals.org/doi/10.1513/AnnalsATS.202009-1093RL
Во студија во Централна Индија е откриено дека секундарна инфекција се јавила кај 30.9% од тестираните пациенти. https://www.dovepress.com/clinicoepidemio-microbiological-exploratory-review-among-covid-19-pati-peer-reviewed-fulltext-article-IDR
Во студија во Милан, Италија е откриено дека секундарна инфекција се јавила кај 9.3% од тестираните пациенти. https://www.ncbi.nlm.nih.gov/pmc/articles/PMC7584496/
Исто така во репортажата беше алудирано дека секундарна инфекција со Acinetobacter baumannii е нешто што ретко се случува во светот, но е често и уникатно за Жан Митрев. Тоа е далеку од вистината, секундарни инфекции со Acinetobacter baumannii се честа појава во светот (1-28%) при интезивско лекување на КОВИД-19 https://www.mdpi.com/2076-0817/10/8/1006.
Следствено, секундарните инфекции претставуваат неизбежен дел од практикувањето на медицина не само во Жан Митрев туку и во светот, посебно во одделенијата за интензивна нега кадешто пациентите подлегнуваат на долготрајни хоспитализации и инвазивно лекување. Процентот на детектирани секундари инфекции зависи од фреквенцијата на тестирање, клиничката слика на пациентот, времетраењето на лекувањето и типот на лекување.
Во науката и истражувачката работа, посебно во време на пандемија со непознат вирус секогаш ќе има простор за интелектуални дискусии ама тоа треба да се остави на стручњаците во нивните полиња на експертиза. Единствено треба науката и интелектуалната искреност да ни бидат водилки, а не тоа дали ни се допаѓа или не Жан Митрев.
Одлика на една цивилизација, без разлика дали се работи за секојдневен дискурс или документарна емисија, е секогаш да се слушнат сите страни на приказната, со мислења од повеќе различни експерти, пред да се донесе конечниот суд. Мене ми се чини дека конечниот суд, дури и од луѓе што на други теми знаат критички да размислуваат е донесен пред да се ислушаат сите инволвирани страни.
