Метеорологот Марко Чубрило на својот Фејсбук профил ја објави најновата прогноза за наредните денови.
Метеорологот Марко Чубрило на својот Фејсбук профил ја објави најновата прогноза за наредните денови.
– Во понеделник претпладне студено, на места со појава на магла. Претежно сончево и релативно топло во текот на денот, освен во места каде маглата се задржува подолго. Ветерот е слаб, а дневниот максимум од +13 до +17 Целзиусови степени. На места со магла околу +9 Целзиусови степени.
Во вторник по студено и понекаде магливо утро, во текот на денот постепено зголемување на облачноста а кон крајот на денот на места на запад и југозапад од регионот појава на врнежи од дожд. Ќе дува јужен и југоисточен ветер, а долж Јадранот јужен и засилен. Температурите се далеку над просекот за овој дел од годината и треба да се движат од +14 до +18 степени Целзиусови – напиша метеорологот и додаде:
-Од среда од југозапад кај нас ќе пристигне влажен и нестабилен воздух од Атлантикот, додека на источната периферија на антициклонот ќе се спушти значително постуден воздух кој ќе се движи кон поширокото подрачје на Скандинавија.
Тој наведува и дека „бидејќи се уште три-четири дена од оваа промена, моделите многу осцилираат во однос на јачината на ладењето, но дека во овој момент најверојатно се работи за посилно, есенско заладување кое ќе донесе главно дожд во пониските региони, додека снегот најпрво границата ќе се спушти на околу 800 метри надморска височина, а за следната недела уште пониско“.
– За наредниот викенд постои можност некои низини, особено на север и исток од регионот, да добијат повремени врнежи од снег, но во овој момент не се очекува формирање на снежна покривка под 700 метри надморска височина. Во среда максималните се се уште високи, но во постепен пад, а во четврток од +5 до +12 степени Целзиусови, додека за наредниот викенд би можеле да бидат од +1 до +9.
– Од четврток ќе биде ветровито најпрво со засилен северозападен, а од петок навечер североисточен и источен ветер. Она што е поважно од снегот и студеното време се моментално проектираните вкупни врнежи, кои надминуваат 40 mm и често над 50 mm врнежи во голем дел од регионот. Сè додека се одржуваат овие пресметки, ова ќе биде крај на долготрајната есенска суша, а кој има некаква работа на отворено нека ја заврши што поскоро.
Според него, „околу 23 ноември треба да биде суво, стабилно, но ладно, особено на истокот од регионот, каде што би можело да биде постудено од просекот “.
– Долгорочните проекции даваат сигнал дека околу 24.11. ќе следи помало затоплување, додека самиот крај на месецот се уште е под знак прашалник, но има значителен потенцијал за прво, поконкретно, заладување и појава на снег и во низините. Засега се поизвесно е дека од среда ќе има засилено влошување и студено време со пообилни врнежи.
Сите презентирани податоци и проценки се резултат на мојата обработка и интерпретација на нумерички модели, за официјални информации следете ги државните институти за прогноза.