Нејмар (31 година), најскапиот фудбалер во историјата, купен од ПСЖ од Барселона за 222 милиони евра, следи една Романка на Инстаграм.

Станува збор за Адриана Пол, 27 години, стјуардеса во авиокомпанијата во сопственост на државата Катар.

Тоа беше работата што и даде шанса на Адријана Пол да се истакне. Романката, по потекло од Марамуреш, беше една од стјуардесите кои беа на подиумот на доделувањето на наградите на Светското првенство во 2022 година.

Адријана Пол дури имаше улога да го држи на подиумот трофејот посветен на најдобриот фудбалер на Светското првенство 2022 година, кој подоцна му припадна на Лионел Меси.

Романката на социјалните мрежи има над 39,5 илјади следбеници, а еден од нив е Бразилецот Нејмар, кој следи уште 1.707 луѓе.

Адријана Пол: „Бев избрана од 15.000 кандидати на нашата компанија“

Минатиот декември, по Светското првенство, Адријана Пол раскажа како успеала да стигне до подиумот на тревникот на стадионот Лусаил иконик.

„Бев избрана од 15.000 кандидати на нашата компанија. Имав среќа што ме избраа. Сепак, верувам дека во последните пет години ја покажав својата вредност. Поминаа пет убави години откако работам овде, многу сум горда. Најубавите места ги открив благодарение на работата што ја имам.

Јас сум селска девојка, доаѓам токму од Барсана, од Марамуреш. Живеев со моите баба и дедо, и со моите родители. Утрото ги молзев кравите и потоа ќе тргнев, по патеката, на училиште. Да му ги кажам овие работи на некој што живее овде, нема да ми верува. Ја напуштив Романија пред осум години, живеев во Лондон три години, а потоа дојдов во Катар во 2017 година“, изјави Адријана Пол за романски „Плејспорт“.

Нејмар пак, е познат како еден од најголемите женкари во светот на фудбалот. Бразилецот досега сменил голем број девојки, а се чини дека сега најде нова мета во оваа убавица која постојано ја „следи“ на Инстаграм додека таа постојано постира секси фотографии. Којзнае што ќе испадне од ова „следење“.