Втората најмала земја на светот, Монако е позната по казината, брзите автомобили и славните жители.
Со државата владее семејството Грималди, и тоа е така во последните 700 години. На чело моментално е принцот Алберт II кој го наследил престолот од својот татко Раиниера во 2005 година.
Иако државата е мала, во Монако живеат 38.000 жители, но само 9.000 од нив имаат државјанство. Исто така животниот век во Европа, токму во оваа држава е најдолг.
Во Монако дури и доколку немате „дебела“ банкарска сметка, можете да правите многу работи.
Уживање во природата
За така мала земја, Монако има голем број на паркови, градини и дрвја, многу повеќе отколку што може да замислите.
Поточно, 20 отсто од земјата е со зелена површина. Ова ја вклучува и чудесната „Exotic Garden“ која практично се наоѓа на карпа.
Убаво е да го видите и музејот на океанографија. Станува збор за огромен аквариум направен пред повеќе од 100 години, а во меѓувреме толку се развил.
Богата историја на автомобилите
Доколку сте заинтересирани за брзите автомобили, на вистинско место сте. Покрај добропознатата трка Формула 1, тука се одржува и трката Е – Формула, но и Grand Prix за класични автомобили.
Сите настани се одржуваат во месец мај, па така Монако тогаш „гори“ од богати и славни луѓе.
Палатата на принцот
Со оглед на тоа што Монако е дом на најдолговечното европско владетелско семејство, би било непристојно да ја посетите земјата, а да не одите во палатата на принцот. Принцот всушност таму живее, така што посетите не се дозволени кога тој е во платата. Отворена е од април до октомври.
Казино
И, последно, но не и помалку важно – казината. Дури и доколку не играте со високи влогови, секогаш може да влезете таму и да видите како изгледаат местата каде се трошат милиони и каде се забавува елитата.
Тамошното најпознато казино е сместено во „Gotel de Pariz MOnte Karlo“, а истото е искористено како место за снимање на филмовите за Џејмс Бонд.
