Кадиров го купи луксузниот авион во 2013 година.
Во последната година, чеченскиот претседател Рамзан Кадиров (45) ги посети Обединетите Арапски Емирати 14 пати. За да лета во Дубаи, каде има луксузна вила, лидерот на Грозни користи Ербас А319 вреден 80 милиони евра, пишува украинското издание на Украинска правда.
Кадиров го купил луксузниот авион во 2013 година, а опремата со текот на времето се подобрувала. Внатрешниот дизајн на авионот го разви една од најскапите компании во светот „British Winch Design“. Авионот не бил регистриран во Чеченија, туку на име на офшор на Бермуди. Кадиров често патува во Дубаи, имал дури 14 летови во последните 12 месеци, последниот на 26 февруари.
Според изворите на украинскиот весник Правда, Кадиров има вила во одморалиштето „Zabeel Sarai Royal Residences“ со пет ѕвезди на „Palm Jumeirah“, каде најевтината соба чини 700 долари од ноќ. Вилите може да се изнајмуваат за 3.000 долари на ден. За вилата на Кадиров се грижи неговиот официјален советник и чеченски претставник за арапските и муслиманските земји Турко Даудов.
Луксузниот Ербас А319 руските новинари го забележале дури во 2017 година, кога рускиот пејач Тимати на Инстаграм објавил фотографија од својот авион. Тимати закачи фотографија на која лежи на креветот со порака : „Кога ќе те избркаат од дома ден пред 8 март, но Рамзан Кадиров секогаш има слободна соба за тебе “ . Објавата многу брзо беше избришана од неговиот профил.
Рамзан Кадиров, има над 2,5 милиони следбеници на Инстаграм и главно се воздржува од прикачување фотографии кои покажуваат екстремен луксуз или богатство.
Сепак, на споменатата фотографија може да се види сиот раскош и луксуз на авионот Ербас на Кадир, опремен со најнова технологија, додека во срцето на авионот се наоѓа вистинска мала „дневна соба“ до библиотеката.
