Многу домаќини периодов се подготвени да го соберат целото семејство на купче, како би го спремиле зимскиот деликатес – ајвар.
Повеќето си имаат свој традиционален рецепт, наследен од мама или баба.
Меѓутоа, не е реткост да се експериментира со вкусовите, па така е добиен овој генијален спој од вкусови.
Во ајварот може да се додаде и модар патлиџан, но тајната состојка е – ренот.
Испечете и излупете ги пиперките како по обичај, исечкајте и сомелете, по желба, па спржете ги на рингла или внимателно испечете ги, мешајќи и додавајќи масло.
Отприлика на половина од процесот, додадете сол.
Дури на крајот, нарендајте мала количина на бел рен – отприлика 300 грама на 3 килограми пиперки, и измешајте во ајварот.
Префрлете ја смесата во стерилизирани, топли тегли и затворете со капак. Оставете да отстојат на топло 24 часа.