Во услови на криза сакаме да преземеме чекори и да ја средиме ситуацијата. Против нашата природа е да стоиме во место и да чекаме; всушност, трпеливото чекање Бог да дејствува е веројатно најтешката работа во животот на еден христијанин. Дури и побожните верници понекогаш паничат кога Господ не дејствува брзо и често во очај викаат: „Господи, направи нешто!“
Бог бара луѓе кои ќе му веруваат во секоја криза, искушение и безизлезна ситуација. Навистина, колку и да е тешко да се разбере, Бог често, за да нè испита, нè води во ситуации кои се алармантни и тешки. Тој сака да види дали сме подготвени да застанеме и да чекаме Тој да донесе натприродно избавување. Тој произведува во нас добар плод и нè обликува во примери на вера за да биде негово сведоштво за неверните, безбожни времиња.
„Господ ги води и ги зацврстува човечките чекори, и тој го сака неговиот пат“ (Псалм 37:23). Да се зајакне значи да се „постави, организира или определи од Бога“. Тоа значи дека Бог, а не ѓаволот е тој што не води на тешки места. Не само што го дозволува нашето искушение, туку го прави тоа намерно – а ние тешко го прифаќаме!
Не верувам дека Бог некогаш би нѐ одвел на работ на некоја тешка ситуација, а потоа би нѐ оставил. Апсолутно им е верен на своите деца во секоја криза. Неговата интервенција можеби не е според нашиот план, но тој секогаш работи и наша должност и привилегија е да стоиме во место и да му веруваме дека ќе не одведе до победа.
Автор: Дејвид Вилкерсон