Недостигот од медицински персонал се чувствува низ цела Германија, па работодавците на секој начин се обидуваат да привлечат нови работници. Што друго може да привлече работници освен пари, затоа директорот на една германска клиника се решил на необичен потег.
Како што пренесува Fenix-magazine, директорот на клиниката Бад Брамштет објавил специјална понуда за работа. На нововработен му нуди бонус за добредојде од неверојатни 10.000 евра.
Затоа, секој што ќе ја прифати работата автоматски добива 10.000 евра. Германските медиуми јавуваат дека болницата во Шлезвиг-Холштајн сака на овој начин да одговори на недостигот од медицински сестри, пренесува Независне новине.
Како што пишува во огласот, оваа понуда се однесува на 15 слободни работни места во болничкиот сектор. Договорот за вработување е на неопределено време, неделното работно време е 38 часа, а има и годишен бонус, јавуваат германските медиуми.
Веќе подолго време се предлага да се воведе бонус за вработување медицински персонал. Одредени политички партии претходно предложија бонуси за добредојде без данок. Платите на медицинскиот персонал, особено на медицинските сестри, зависат од одделот во кој работат, сојузната држава, работното време и степенот на образование.
Просечниот месечен приход за медицинскиот персонал е 2.899,84 евра со полно работно време и 1.996,33 евра со скратено работно време. Најдобри плати за медицинските сестри има во Минхен, а просечната плата е 4.080 евра.