Операцијата траела час и 15 минути.
Лекарите во Индија биле шокирани кога младата жена Руни Катун (26) дошла во болница со стомачни болки. Таа била слаба и исцрпена, а кога и го прегледале стомакот, таму пронашле поголема количина накит и ја оперирале.
Пронашле вкупно 69 синџири, 80 обетки, 46 монети, рачен часовник, четири клучеви… Операцијата траела час и 15 минути.
– Отстранивме 1,68 килограми накит од желудникот, вклучувајќи нараквици и обетки, монети и рачен часовник – изјави хирургот Сидарта Бисвас.
Пациентката признала дека ги проголтала сите метални предмети што ги украла од продавницата на нејзиниот брат. Лекарите ја префрлиле на психијатриско одделение, пишува Daily Mail.