Многумина од нас не можат да замислат да го започнат денот без кафе. Дали топлото или ладното кафе е поздрав избор? Што велат научниците?

Интересен е фактот дека годишно во светот се пијат над 400 милијарди шолји кафе. Пиењето кафе ги носи оние мали ритуали кои прават да се чувствуваме добро, што е докажано со една студија, која покажа дека кафето поттикнува чувства на добрина, пријателство и среќа.

Се верува дека зрната кафе содржат витамини од групата Б, калиум, рибофлавин и околу илјада различни растителни соединенија.

Покрај тоа, кафето е и одличен извор на антиоксиданси. Сепак, прашање е дали има разлика помеѓу топлото и ладното кафе, и ако е така, која варијанта е поздрава?

Топло или ладно кафе?

Постојат неколку начини да направите ладно кафе. Ладниот пијалок се прави со ладна вода за помала киселост. Ладното кафе има тенденција да биде помалку кисело и помеко за вашиот дигестивен систем, за разлика од топлото кафе.

Од друга страна, топлото кафе има повеќе антиоксиданси од ладното кафе. Секако, дополнителните адитиви како шеќерот можат да ги променат здравствените придобивки и да го направат кафето нездраво, пишува b92 .